Grapjas-aktrise se eersteling gebore

Klein Zoe se babavoetjies. (Foto: Instagram/Julia Anastasopoulos)

Klein Zoe se babavoetjies. (Foto: Instagram/Julia Anastasopoulos)

Die aktrise Julia Anastasopoulos, beter bekend as die grappige selfhelpghoeroe Suzelle DIY, het Saterdag die lewe geskenk aan haar eersteling.

Anastasopoulos het in ʼn Instagram-inskrywing gekoer oor die babadogtertjie, wat Zoe heet. “Sy’s hier! Ons kosbare baba Zoe het Saterdag arriveer en ons is halsoorkop verlief,” het die aktrise geskryf.

“Ek het nie die woorde om die magic te beskryf wat ek voel nie behalwe dat ek in absolute verwondering van hierdie klein mensie is. Dankie aan almal vir al die liefde en seënwense.”

Die Tali’s Wedding Diary-aktrise het in Maart aangekondig sy is swanger met haar en haar man, die vervaardiger Ari Kruger, se eersteling.

Anastasopoulos het ook voor Zoe se geboorte ʼn paar pragfoto’s van haar swanger magie op Instagram gedeel. “Ons is gereed vir jou klein babatjie,” het sy geskryf.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

8 Kommentare

Peter ·

Baie geluk! Hopelik hou die kleintjie jou nou van die tv af

Geluk! ·

Geniet elke oomblik met jul kind. Suzelle DIY het baie pret en plesier verskaf veral as die vakansie bietjie lank raak. Die skoolsak DIY het hul lank besig gehou.

VanAfrika ·

Daar is niks fout met Suzette nie, sy is n aangename verandering in vergelyking met al die wrede nuus wat ons elke dag moet hoor. Hoop ons sien nog baie van jou Suzette, veral as jy moedrskap idees by jou program inbou. Baie geluk met jou nuwe baba.

VanSpanje ·

VanAfrika, jy’s duidelik n GROOT fan van Suzette LOL.

VanAfrika ·

Kyk, sy het snaakse en verfrissende talent, ek vind dit net beledigend dat Peter hoop haar baba hou haar van tv af. Jammer omdat ek haar per ongeluk Suzette genoem het, Suzelle dan.☺

Het jy iets op die hart? Maroela Media se kommentaarfunksie is ongelukkig gesluit oor die Paasnaweek. Kom kuier gerus later weer!

Nuuswenke kan deur hierdie vorm gestuur word.