Maroela Media bied jou ʼn opsomming van die jongste internasionale vermaaknuus.
John Travolta (68) kry lisensie vir Boeing 737
John Travolta. (Foto: Skermgreep uit Instagram-video)
Die Grease– en Pulp Fiction-akteur John Travolta het sy vlieglisensie om ʼn Boeing 737 te vlieg bekom.
Die 68-jarige akteur het met groot trots dié nuus op sosiale media bekend gemaak. Hy het op Instagram onthul hy het sy vlieglisensie om as vlieënier vir ʼn kommersiële lugvaart op te tree gekry en ʼn video van homself voor ʼn vliegtuig gedeel.
“’n Baie trotse oomblik in my lugvaartgeskiedenis. Om by my 747- en 707-lisensies te voeg, het ek pas my 737-lisensie ook ontvang en dit het baie goed gegaan. Ek deel die oomblik graag met julle,” het hy in die video aan sy 3,8 miljoen volgelinge op Instagram gesê.
Nog ʼn bekende se voogdyskap beëindig
Amanda Bynes soos sy nou lyk. (Foto: Instagram)
ʼn Regter in Kalifornië, VSA, het beslis dat ʼn voogdyskap van nege jaar oor die aktrise Amanda Bynes se persoonlike sake beëindig kan word.
Die voormalige kinderster is onder wetlike voogdyskap, soortgelyk aan dié van Britney Spears, geplaas in 2013 terwyl sy psigiatriese behandeling ontvang het.
Bynes (35) was bekend vir onder meer The Amanda Show op Nickelodeon, asook die rolprente What a Girl Wants, She’s the Man en Easy A, maar het ʼn stryd teen dwelmmisbruik gevoer en geestesgesondheidsprobleme gehad.
Regter Roger L Lund het Dinsdag beslis die voogdyskap is nie meer nodig nie. “Sy het alles gedoen wat die hof van haar verwag het oor ʼn lang tydperk,” het Lund volgens The New York Times gesê.
ʼn Voogdyskap word deur die hof toegestaan vir individue wat nie in staat is om hulle eie besluite te neem nie. Onder dié ooreenkoms het Bynes se ma na haar dogter se geldelike en persoonlike sake omgesien en mediese besluite namens haar geneem.
Bynes het in ʼn verklaring aan People haar aanhangers bedank “vir hulle liefde en wense van voorspoed gedurende dié tyd”.
Amanda Bynes toe haar loopbaan nog op dreef was. (Foto: Instagram)
“Ek wil ook my prokureur en my ouers bedank vir hulle ondersteuning die laaste nege jaar. Oor die afgelope paar jaar het ek hard gewerk daaraan om my gesondheid te verbeter sodat ek onafhanklik kan leef en werk, en ek sal voortaan my welstand prioritiseer in die volgende hoofstuk.”
Bynes se dwelmmisbruik het begin met dagga op die ouderdom van 16, maar haar probleme het verdiep toe sy Adderall, ʼn voorskrifmedikasie wat gebruik word om mense met aandagafleibaarheid te behandel, begin misbruik het.
Sy het in 2010 ophou toneel speel en die voogdyskap het ʼn aanvang geneem nadat Bynes na ʼn hospitaal geneem is vir ʼn geestesgesondheidsassesering. Sy het glo ʼn klein brand begin in die oprit van haar huis in Kalifornië.
Sy het ook wisselvallige gedrag getoon en die wet oortree deur onder meer onder die invloed van drank te bestuur, ʼn tref-en-trap-ongeluk te veroorsaak en haar bestuurslisensie is afgeneem. Sy is uiteindelik tot drie jaar probasie gevonnis.
Bynes het ook die nuus gehaal met haar uitlatings op Twitter, wat sy later gesê het haar “skaam en verneder” laat voel het.
“As ek die horlosie kon terugdraai sou ek. Ek is so jammer vir enigiemand wat seergekry het en vir wie ook al ek gejok het, want dit vreet aan my,” het sy in 2018 aan Paper Magazine gesê.
Sy woon tans in ʼn “gestruktureerde gemeenskap vir vroue” en het ʼn graad aan die Fashion Institute of Design and Merchandising verwerf. Sy is verloof aan Paul Michael.
Oscars-koors loop hoog
Benedict Cumberbatch is as beste akteur benoem vir sy rol in ‘The Power of the Dog’.
Die 94ste jaarlikse Oscars-prysaand word Sondag in Los Angeles aangebied. Jane Campion se The Power of the Dog, ʼn Western-fliek wat handel oor ʼn onderdrukte veeboer in Montana in die 1920’s, loop voor met 12 benoemings, onder meer vir beste rolprent, beste regisseur en beste akteur vir Benedict Cumberbatch.
Beste rolprent
Belfast
CODA
Don’t Look Up
Drive My Car
Dune
King Richard
Licorice Pizza
Nightmare Alley
The Power of the Dog
West Side Story
Beste regisseur
Kenneth Branagh, Belfast
Ryusuke Hamaguchi, Drive My Car
Paul Thomas Anderson, Licorice Pizza
Jane Campion, The Power of the Dog
Steven Spielberg, West Side Story
Beste akteur
Javier Bardem, Being the Ricardos
Benedict Cumberbatch, The Power of the Dog
Andrew Garfield, tick, tick…BOOM!
Will Smith, King Richard
Denzel Washington, The Tragedy of Macbeth
Beste aktrise
Jessica Chastain, The Eyes of Tammy Faye
Olivia Colman, The Lost Daughter
Penelope Cruz, Parallel Mothers
Nicole Kidman, Being the Ricardos
Kristen Stewart, Spencer
Beste akteur in ʼn ondersteunende rol
Ciaran Hinds, Belfast
Troy Kotsur, CODA
Jesse Plemons, The Power of the Dog
JK Simmons, Being the Ricardos
Kodi Smit-McPhee, The Power of the Dog
Beste aktrise in ʼn ondersteunende rol
Jessie Buckley, The Lost Daughter
Ariana DeBose, West Side Story
Judi Dench, Belfast
Kirsten Dunst, The Power of the Dog
Aunjanue Ellis, King Richard
Beste internasionale rolprent
Drive My Car (Japan)
Flee (Denemarke)
The Hand of God (Italië)
Lunana: A Yak in the Classroom (Bhutan)
The Worst Person in the World (Noorweë)
Beste animasierolprent
Encanto
Flee
Luca
The Mitchells vs the Machines
Raya and the Last Dragon
Beste dokumentêr
Ascension
Attica
Flee
Summer of Soul
Writing with Fire
Beste oorspronklike draaiboek
Belfast – Kenneth Branagh
Don’t Look Up – Adam McKay en David Sirota
King Richard – Zach Baylin
Licorice Pizza – Paul Thomas Anderson
The Worst Person in the World – Eskil Vogt en Joachim Trier
Beste aangepaste draaiboek
CODA – Sian Heder
Drive My Car – Ryusuke Hamaguchi, Takamasa Oe
Dune – Jon Spaihts, Denis Villeneuve, Eric Roth
The Lost Daughter – Maggie Gyllenhaal
The Power of the Dog – Jane Campion
Rolprente met meer as ses benoemings
The Power of the Dog – 12
Dune – 10
Belfast – 7
West Side Story – 7
King Richard – 6
Bykomende bronne: AFP, BBC
