Justin Bieber vra die jawoord

Hailey Baldwin in Maart vanjaar tydens die iHeartRadio-musiektoekennings by The Forum in Kalifornië. (Photo by Jordan Strauss/Invision/AP)

Hailey Baldwin in Maart vanjaar tydens die iHeartRadio-musiektoekennings by The Forum in Kalifornië. (Photo by Jordan Strauss/Invision/AP)

Tienerharte wêreldwyd is gebreek toe die Kanadese popster Justin Bieber Saterdag sy Amerikaanse meisie, die model Hailey Baldwin, gevra het om te trou.

Bieber (24) en Baldwin (21), dogter van akteur Stephen Baldwin en broerskind van akteur Alec Baldwin, was saam met vakansie toe hy die ring aan haar vinger gesteek het.

Die nuuswebwerwe CNN en E! News het gerugte oor die paartjie se verlowing bevestig. Bieber se ouers het ook die verlowing op sosiale media bevestig.

“Onbeskryflik trots! Opgewonde oor die volgende hoofstuk,” het Jeremy Bieber, die “Baby”-sanger se pa, by ʼn foto van sy seun op Instagram geskryf. Pattie Mallette, Bieber se ma, het ook haar opgewondenheid met ʼn inskrywing op Twitter bevestig.

Die vermaakwebwerf TMZ berig twee ooggetuies wat teenwoordig was tydens die verlowing by ʼn oord in die Bahamas het gesê restaurantgangers was aan’t salsadans toe Bieber se sekuriteitspan almal versoek het om hul fone weg te bêre aangesien iets spesiaals binnekort sou gebeur. Bieber het glo op een knie afgesak en die groot vraag voor almal gevra.

Bieber en Baldwin is onlangs herenig nadat hulle in 2016 ook ʼn paartjie was, maar uitmekaar is toe Bieber met die popsangeres, Selena Gomez, uitgegaan het.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

6 Kommentare

dolphin ·

geluk met jul verlowing so bly daarvoor mag dit nog lank lewe saam.

Klein Jane ·

In 1994 is Kurt Cobain dood en Bieber gebore, voorwaar n tragiese jaar vir musiek

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.