Cindy Nell-Roberts se drome het nog altyd in die sakewêreld gelê. (Foto: verskaf)
Daar is dikwels vir deelnemers aan skoonheidkompetisies ʼn veel groter prentjie as net die glans en glorie wat dié geleenthede bied, en Cindy Nell-Roberts, voormalige Mej. Suid-Afrika, kan veral daarvan getuig.
Dié model, TV-aanbieder en entrepreneur se drome het nog altyd in die sakewêreld gelê, maar die pad daarheen is dikwels moeilik, veral vir jong vroue.
In die tweede episode van dié podsendingreeks gesels die beeldskone donkerkop, wat 20 jaar gelede die Mej. Suid-Afrika kroon gedra het, meer oor die doelwitte agter haar deelname aan dié kompetisie asook oor die netwerk van sterk vroue waarvan sy danksy dié geleentheid deel kon word.
Die model, TV-aanbieder en sakevrou het 20 jaar terug die Mej. SA-kroon gedra. (Foto: verskaf)
