Nee, sy het nie destyds aan skoonheidskompetisies deelgeneem nét om as die land se mooiste gekroon te word nie. Ja, daar ís ʼn WhatsApp-groepie waarop al die voormalige Mej. Suid-Afrika-wenners is, en nee, net omdat sy hoofsaaklik ʼn gesonde plantdieet volg beteken dit nie dat sy steeds af en toe ʼn lekker glasie wyn en ʼn lamsbredie sal geniet nie.
In die 20 jaar sedert sy die titel Mej. Suid-Afrika gedra het, het ons die donkerkop skoonheid Cindy Nell-Roberts baie hoede (en krone) sien dra. TV-aanbieder, model en sakevrou van staal, dit blyk dat alles wat sy aanpak ʼn sukses is en met jare se ervaring kom jare se wysheid.
In dié podsendingreeks gesels die dinamiese ma van twee met Maroela Media oor alles, van die strategie agter skoonheidskompetisies en haar gedrewenheid om haar stempel in die bemarkings- en entrepreneurswêreld af te druk, tot haar onlangse mylpaalverjaarsdag en skoonheidswenke vir daardie dol oggende wanneer tyd net nie aan jou kant is nie.
As ek haar bankrekening gehad het, sou ek ook vreesloos kon leef. Maar sy sal nie soos n gewone mens kan leef.