Mode: Die blinkste Grammys nóg

John Legend (Foto: Jordan Strauss/Invision/AP)

Die 62ste jaarlikse Grammy-musiektoekennings is Sondag by die STAPLES Center in Los Angeles uitgedeel en die musiektalent van Hollywood het hul beste voetjie voor gesit toe hulle op die rooitapyt gestap het.

Vanjaar was blinkers ʼn groot tendens onder vroue, terwyl mans ook aansienlik meer aandag aan die modegiere van die oomblik gegee het.

Die “All of me”-sanger John Legend het ʼn grys pak met ʼn lang grys baadjie gedra wat deur Alexander McQueen ontwerp is en die kletsrymer Lil Nas X het uitgehang met ʼn helder pienk Versace-uitrusting van kop tot tone.

Die sanger en akteur Billy Porter het oudergewoonte die koppe laat draai met sy blou disko-uitrusting. Dié katpak het meer as 70 000 Preciosa-kristalle en is deur Baja East gemaak. Die sluier aan Porter se hoed kon met ʼn afstandbeheerder oop en toe gemaak word.

Vroulike bekendes soos Alicia Keyes, Danielle Jonas, Heidi Klum, Priyanka Chopra Jonas en Lana Del Rey het almal lang blink aandrokke gedra.

Kyk hier hoe die bekendes gelyk het:

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

12 Kommentare

Glam ·

Benn Plat lyk of hy maar moes raap en skraap om kleertjies vir die geleentheid te kry. Maar ten minste was hy daar met sy truitjie en te kort broekie en al.

Die Sneesdoekie voorkoms ·

Siestog en Imogen Heap lyk ook maar erg trietsig en troosteloos. Sy en Ben Platt moes seker die hele aand erg droewig en huilerig gewees het. Die ander lyk darem almal bietjie meer opgewonde en lewenslustig.

Adel ·

Hahahahaha gelukkig verskil smaak……. party van hulle lyk eerder soos narre!!!!

SoosDitIs ·

Ek moes nou twee keer kyk na Joe Jonas se foto – eers gedink dit is die jonger weergawe van Rowan Atkinson (Mr. Bean)… Of is dit net ek….?

Glans en Skitter ·

Ek wonder of Billie Eilish pas van Wuhan geland het om die glansgeleentheid by te woon met haar masker aan. SoosDitIs hy lyk nogals na ‘n jonger weergawe van Mr Bean.

Jk ·

Wonder of Jameela Jamil hier ook die obesity geglamourise het.

GG ·

Antie Gloria Gaynor van die 1970’s se I Will Survive disco jare lyk nog goed met haar ou tannie pienk rok.

P ·

Genade tog van hulle is spektakels. Kan nie dink hulle dra die goed nie. Hahaha

charmaine ·

Geld koop nie klas of smaak nie, shame hulle lyk soos iets wat van die ashoop opgetel is.
Ek wonder net hoe het Ariana met daai ballon rok gesit het sy was seker alleen by n tafel dit vat baie plek. Shame ons moet hulle eintlik jammer kry.

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.