Nóg ʼn bondeltjie vir Bok en Hanna

Bok van Blerk en Hanna Grobler (Foto: Instagram)

Die Afrikaanse sanger Bok van Blerk en sy vrou, Hanna Grobler, verwag hul tweede kind.

Die egpaar se mediawoordvoerder, Jenny Griesel, het dié nuus Maandag aan Maroela Media bevestig.

Griesel sê die egpaar gaan in dié stadium nog nie enige inligting oor hul tweede kind bekend maak nie, behalwe dat hulle “baie opgewonde is” oor die nuwe toevoeging tot hul gesin.

Grobler het die afgelope naweek foto’s van haar ooievaarstee op sosiale media gedeel. Sy het na die dag as ʼn “spesiale dag” verwys.

Die egpaar se eersteling, Samuel, is op 19 Desember 2016 gebore.

Van Blerk (Louis Pepler) en Grobler het in April 2015 ʼn kind verloor – ʼn seuntjie wat doodgebore is.

Die sanger is hoofsaaklik bekend as sanger en akteur, en Grobler as aktrise en die uitvoerende hoof van die Hanna Charity and Empowerment Foundation, ʼn liefdadigheidsorganisasie wat hom toespits op die bekamping van armoede.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

5 Kommentare

Anni ·

Baie geluk julle. Mag jul nuwe bondeltjie ook baie vreugde aan julle gee

Erica ·

Baie Geluk Bok en Hanna! Twee pragtige mense wat al die geluk verdien wat hulle kan kry.

PRIVAAT ·

Dis so lekker om iets van hulle te lees, want hulle is so privaat en “brag” nie al ewig oor ALLES wat in hulle lewens aangaan nie. Nederige mense…Plat op die aarde!

Het jy iets op die hart? Maroela Media se kommentaarfunksie is ongelukkig gesluit oor die Paasnaweek. Kom kuier gerus later weer!

Nuuswenke kan deur hierdie vorm gestuur word.