Pamela Anderson en haar nuwe man, die rolprentvervaardiger Jon Peters, se huweliksbootjie het ná 12 dae gesink.
Volgens berigte het die paartjie, wat op 20 Januarie tydens ʼn privaat seremonie in Malibu, Kalifornië in die VSA getroud is, nog nie die dokumente ingedien om hul huweliksertifikaat te laat uitreik nie.
“Ek is geraak deur die hartlike ontvangs van my en Jon se eenheid,” het Anderson in ʼn verklaring aan CNN gesê.
Die 52-jarige Baywatch-aktrise en Peters (74) het mekaar glo reeds in die tagtigerjare by die Playboy Mansion ontmoet, maar het eers onlangs begin uitgaan. Albei is voorheen vier keer getroud.
“Ons sal dankbaar wees vir jul ondersteuning terwyl ons tyd apart spandeer om te herevalueer wat ons van die lewe en mekaar wil hê,” het Anderson bygevoeg.
“Die lewe is ʼn reis en die liefde is ʼn proses. Met daardie universele waarheid in gedagte, het ons gesamentlik besluit om die formalisering van ons huweliksertifikaat uit te stel en ons geloof in die proses te plaas.”
Anderson was voorheen getroud met die rocker Tommy Lee en hulle het twee seuns, Brandon en Dylan. Sy was ook met die sanger Kid Rock getroud en het twee keer met die pokerspeler Rick Salomon afgehaak.
Peters is die vervaardiger van verskeie bekende rolprente, soos die 1976-weergawe van A Star is Born met Barbra Streisand in die hoofrol. Peters en Streisand was ook in ʼn langtermynverhouding. Peters het ook die 2018-weergawe van dié fliek, met Lady Gaga en Bradley Cooper, vervaardig.
Wat veewagen n mens!!
Oooo koek……Oooo koek……wil jy nou meer
Nog n mockery van n heilige instelling. Waarom is dit nuuswaardig?
Dit maak my ook vies as hulle dit doen.
Dankie Maroela! Ek geniet nogal die skinder brokkies van die sterre. Maak weer so, asseblief.
Lewe het maar ook met haar GESTAP na Baywatch……
Die jare stap aan , sien ek. Almal van ons begin na 50 maar oes lyk , maar sy is nog heel gangbaar , eintlik. Daar in hul kringe is bitter min ontsag vir die huwelik as instelling.