Prins Philip vier sy 99ste verjaarsdag

Koningin Elizabeth en prins Philip (Foto: The Royal Family/Twitter)

Prins Philip, koningin Elizabeth II se man van 72 jaar, vier Woensdag sy 99ste verjaarsdag.

Philip, die hertog van Edinburgh, het privaat sy verjaarsdag gevier en geen openbare byeenkomste is beplan nie. Die koningin en Philip het, as ʼn voorsorgmaatreël teen Covid-19, in April reeds Londen verlaat en by Windsor-kasteel ingetrek.

Hul oudste seun, prins Charles, die troonopvolger, het sy pa deur die Clarence House-Twitterrekening gelukgewens met sy verjaarsdag, net soos kleinseun prins William en sy vrou Kate, die hertogin van Cambridge.

Buckingham-paleis het ʼn nuwe foto van Philip en die koningin vrygestel wat verlede week by Windsor-kasteel geneem is. Die egpaar het vier kinders, agt kleinkinders en agt agterkleinkinders.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae