‘n Skermskoot uit die video.
Die Afrikaanse komediant Rikus de Beer, beter bekend as Jonathan van Radio Raps, moes Vrydag teen die trane baklei toe hy vertel het hoe hy ses weke lank in die hospitaal vir sy lewe moes veg.
De Beer is vandeesweek uit die hospitaal ontslaan nadat hy weke lank in ʼn Pretoriase hospitaal deurgebring het waar hy in en uit die waakeenheid was. Maroela Media het vroeër berig De Beer is op 27 Mei in die hospitaal opgeneem ná afloop van sy optrede by Silverstar Casino naby Krugersdorp. ʼn Beplande operasie om galstene en sy galblaas te verwyder moes later uitgestel word weens ʼn hoë infeksietelling.
De Beer is in die hospitaal met hart-, nier- en longversaking gediagnoseer en sy toestand is in hierdie tyd as kritiek beskryf. In ʼn video wat hy Vrydag op sy amptelike Facebook-blad geplaas het, vertel De Beer in sy kenmerkende Radio Raps-styl dat hy dokter toe is omdat hy ʼn pyn in sy buik gekry het. “Dit was nie jou average chicken pie- en brandewyn-pyn nie. Dit was nogal ʼn serious buikpyntjie,” skerts hy.
Hy vertel grappenderwys dat hy nie alles kan onthou wat in die hospitaal gebeur het nie omdat hy baie morfien toegedien is, maar hy verneem hy het tydens ʼn rugbywedstryd tussen Suid-Afrika en Frankryk die Franse volkslied uit volle bors saamgesing. “Ek is nog ʼn rukkie uit, boys. Ek is darem by die huis, maar ek is vir ʼn paar weke nog bedlêend en bietjie siek.”
De Beer sluk ooglopend aan die knop in sy keel wanneer hy dankie sê vir al die boodskappe van ondersteuning wat hy ontvang het. “Baie dankie vir almal se ondersteuning. Ons kap aan.”
Enkele ure nadat De Beer die video gedeel het, het honderde mense kommentaar gelewer om hom tuis te verwelkom en sterkte toe te wens.
Eks bly jy is nou by die huis. Pas jouself nou mooi op.
Sterkte, ou maat!
Sterkte Ricus! Mens kan sien dit vat aan jou. Ek hoop jy word gou gesond!
Ricus is werklik van nature ‘n snaakse mens. VIRSEKER verdien ‘n pluimpie.
hy se hy het amper die koets geklim wonder waar sou hy afgeklim het met daardie gevloek wonder ne glo nie daar word in die hemel so gepraat nie .Pleks hy hom bekeer .
Moenie ander mense veroordeel net omdat hul “sonde” anders is as JOUNE nie.
Haal eers die balk uit jou eie oog voor jy die splinter in ‘n ander een s’n sien.
Niemand is perfek nie, en almal sondig. JY INKLUIS!
Francois ken jy vir Tony die libanees??
Rule numer 1….
se die een sondaar vir die ander een.of jy nou n koets vat of n boot.almal sondig en niemand kan finger wys vir vloek nie.almal sal eendag deur die GROOT man self n pakslae kry.so los jou tjol stories vir jouself.gelukkig het die mannetjie dit gemaak.
Ok…
ons is net dankaar jy is weer ok wie anders gaan vir ons n goeie afrikaanse humoristiese film maak laankal moeg vir Shuster se gemors flieks
So dankbaar vir God, dat jy op aarde gesit is om my te laat vergeet van ellende. Jy is kosbaar…”Jonafin” doen wat jy doen…niemand kan ‘n beter Jonafin wees nie…bly tot in my siel toe jy is OK!
Francois jy is ‘n foos koos…moenie dat ek dit vir jou uitlê nie want ons Namakwalanders bang nie vloek nie. Maar nou is jy nog ‘n dom foos koos ook…
Gelukkig besluit Kose soos jy nou nie wie God liefhet en wie nie…bly staan daar agter in die ry!
Hallo maat, regtig baie dankbaar jy is ok
– Ek stuur vir jou hierdie boodskap van dankbaarheid dat jy nog mens is, namens ons kleinseun , wie 2 jaar oorlede is aan sy hart. Onverwags en skokkend! Krieketspeler en student. Kon nooit verstaan hoekom hy jou programme en musiek so vermakend gevind het nie ! Sedert ons die trauma van sy afwesigheid beleef, is ek sy Ouma al hoe meer bewus van jou goeie vermaak. Sterkte matie, pas jouself op.