Aanhangers ken hom dalk as die ernstige dr. Tertius Jonker in die gewilde kykNET-sepie Binnelanders, maar Reynardt Hugo spog nou met ’n splinternuwe titel.
Hugo en sy vrou, An-Mare, het onlangs hul pienkvoet verwelkom.
Die ouerpaar het die nuus van hul eersteling se geboorte op Instagram gedeel.
In die foto sit Hugo met ’n groot glimlag langs sy vrou terwyl klein Lenn Hugo rustig in sy arms lê en slaap.
Hugo, wat ook woeker met ʼn suksesvolle sangloopbaan en onlangs sy eerste boek getiteld Soldaat deur Lux Verbi uitgegee het, en An-Mare is April verlede jaar in Plettenbergbaai in die Tuinroete getroud.
Bekendes soos Irene-Louise van Wyk, Cindy Swanepoel, Kate Roothman en Maude Sandham het die ouerpaar met hul nuwe bondeltjie gelukgewens.
Baie geluk en ek moet erken dat ek het nie ‘n idee gehad wie dit was nie. Seker omdat ons nie12 jaar gelede laas ‘n TV gehad het.
Baie geluk,