Vierde baba vir Winckler-gesin gebore

(Foto: Instagram)

Heinz en Alette-Johanni Winckler se eerste babadogtertjie is Vrydagoggend gebore.

Die paartjie het reeds drie seuns, Lian (9), Simeon (7) en Reuben (5). Hulle het Vrydagoggend die nuus op sosiale media bevestig.

“Dit was vinnig. Dit was seer. Dit was bonatuurlik. Ons het ʼn dogter!” het Alette op haar Instagram geskryf.

Dié babadogtertjie se naam is Alannah Elize Winckler en sy is om 05:20 gebore. Sy weeg 4,04 kg en is 55 cm lank.

“Sy is perfek en ons is ongelooflik dankbaar aan God en almal wat vir ons gebid, ondersteun en liefgehad het deur dié tyd,” skryf Alette.

Die Winckler gesin (Foto: Instagram)

Heinz en Alette het in Junie verlede jaar aangekondig dat hulle ’n baba verwag.

Alette het vroeër vertel dat sy nog altyd vier kinders wou hê, maar dat hulle ná die drie seuns nie gedink het hulle sal nog ʼn kind kry nie.

“In my kop was ons klaar, maar in my hart het ek geweet dit is in ons lewe ingeskryf om vier kinders te hê,” het sy gesê.

Heinz het gesê hulle het nog altyd ʼn prentjie in hul koppe gehad van hul gesin met vier kinders. “Ons is baie dankbaar, hierdie baba kom werklik uit die Here se hand.”

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

7 Kommentare

jongste oudste gewildste
Weskusnooi

Baie geluk Heinz en Alette en seuns!
Ja, so kom en bederf Vader ons soms so onverwags!
Baie dankbaar saam met julle dat alles goed afgeloop het!
Mag Alannah vir julle almal baie vreugde bring!

Sanna

O.

Kinders

Alle kinders kom uit die Vader se hand.

Johanna Botha

Die aarde kannie cope met al die mense

Kobus

Ons sal ons getalle moet verhoog om by die stembus te wen