17-19 November 2011
Suid-Afrika het beslis verlede jaar op die hoogtes gewandel wat internasionale geleenthede betref en dit was dus van pas dat die Kersiefees ook die grootste in die geskiedenis was — nie minder as 25 000 mense het deur die hekke by die jaarlikse fees gestap nie.
Die weer het ook hierdie keer op ons geglimlag en vir ’n verandering is geen reën aangeteken nie, alhoewel die Oos-Vrystaat ná die Kersiefees oorstroom is.
Die reuse sukses van Kersiefees 2010 het verder beteken dat ons met ’n klein wins ons boeke kon afsluit.
Elke jaar belowe ons om die Kersiefees nog beter te maak en vanjaar is ons doelwit om Ficksburg se naam as die Kersiehoofstad van die Wêreld gestand te doen.
Kom na Ficksburg en vang Kersiekoors met ons!
Geniet die Kersiefees.
JOHAN DU TOIT
VOORSITTER
Ficksburg Kersiefees
Besoek hulle webtuiste hier