Die storie van Racheltjie de Beer is ʼn legendariese verhaal van verlies, dapperheid, opoffering en onwrikbare liefde – die storie van ʼn 12-jarige kind wat haar eie lewe opgeoffer het sodat haar boetie kon bly lewe.
Dié aangrypende verhaal is meesterlik op die silwerskerm vasgevang in die rolprent Die verhaal van Racheltjie de Beer.
Die rol van Racheltjie word vertolk deur Zonika de Vries, terwyl Johannes Jordaan as Jamie sy heel eerste rol vertolk. Marius Weyers is te sien in die rol van George Lundt, en nog bekendes soos Sandra Prinsloo, Antoinette Louw en Beáte Opperman maak deel van die rolverdeling uit. Die rolprent se regie is deur Matthys Boshoff behartig.
Vyf jaar ná hulle ma, Marie, se dood bevind die De Beer-kinders, die 12-jarige Racheltjie en die vyfjarige Jamie, hulself op pad na die Goudvelde van die Witwatersrand saam met hul pa, Herman, wat ’n nuwe lewe daar wil begin. Dit is op hierdie reis na ʼn nuwe begin wat Racheltjie in ʼn oomblik van onselfsugtige dapperheid, geskiedenis verander.
Die fliek wys tans by SterKinekor en NuMetro
Kyk Fliekvlooi Floris se resensie oor die fliek:
Het baie meer verwag. Nie die beste Afrikaanse film nog nie. Die storie was baie dun gewees en het begin lank raak.