Foto’s: Dié flieks kraai koning op Silwerskermfees

Die kykNET Silwerskerm-pryse is Saterdagaand by ʼn glansryke geleentheid in The Bay Hotel in Kampsbaai uitgedeel.

Dié toekenningsgeleentheid is vanjaar deur June van Merch en Bennie Fourie aangebied. Tobie Cronjé is vereer as vanjaar se Silwerskermlegende vir sy besondere bydrae tot die rolprentbedryf.

Vanjaar kon feesgangers ʼn verskeidenheid kort- en speelfilms kyk en paneelbesprekings bywoon. Drie internasionale kundiges is ook by die fees verwelkom: Dorothee Wenner van Berlinale, Peter Cowley van Spirit Digital Media in Londen en die Suid-Afrikaanse akteur Arnold Vosloo wat die afgelope paar dekades naam gemaak het in die VSA.

Vanjaar was daar ses speelfilms wat hul première op die Silwerskermfees gehad het. Dié vollengte-speelfilms is Fiela se kind, Flatland, Griekwastad, Die verhaal van Racheltjie de Beer, Toorbos en Poppie Nongena.

Poppie Nongena het vanjaar die meeste benoeming gekry, in 15 verskillende kategorieë, terwyl Fiela se kind 11 benoemings opgeraap het. Dit was wel Poppie Nongena wat weggestap het met die groot prys van die aan vir beste speelfilm.

Poppie Nongena het 12 pryse gekry, onder meer vir beste speelfilm, beste draaiboek, beste regisseur, beste aktrise, beste mansbyspeler en beste vrouebyspeler.

Hier is die volledige lys wenners:

KORTFILMS

Beste kortfilm: Oedipus: Die Musical – ʼn Dokumentêr

Beste draaiboek: Luan Jacobs – Hoe om ʼn perd te teken

Beste regisseur: Stefan Benadé – Oedipus: Die Musical – ʼn Dokumentêr

Beste akteur: Luan Jacobs – Hoe om ʼn perd te teken

Beste aktrise: Ansu Visser – Binnelandse Sake

Beste manlike byspeler: Ludwig Binge – Oedipus: Die Musical – ʼn Dokumentêr

Beste vroulike byspeler: Ilse Oppelt – Janneman

Beste produksie-ontwerp   : Idelette Jordaan en Nadine Minnaar – My gelykenis

Beste redigerig: Canya Cruywagen – Oedipus: Die Musical – ʼn Dokumentêr

Beste kinematograaf: Janhendrik Burger – My gelykenis

Beste grimering en haarstilering; Charné Burger – Oedipus: Die Musical – ʼn Dokumentêr

Beste kostuumontwerp: Juanita Ferreira – Die begrafnis

Beste klankontwerp: Wesley Ayliffe – Binnelandse Sake

Webreekse: Deur die blare

Gehoorgunsteling; Fiela se kind

Draaiboeksoek:

Gerhard Marx – Asem

Reginald Hufkie – Kinderhuis kind

Nico Steyn – Skrop

Blitsfilms

Ilka de Beer – Cry/Huil

Melanie Tait – Ligspoor

SPEELFILMS

Beste speelfilm: Poppie Nongena

Beste draaiboek: Christiaan Olwagen en Saartjie Botha – Poppie Nongena

Beste regisseur: Christiaan Olwagen – Poppie Nongena

Beste akteur: Stian Bam – Die verhaal van Racheltjie de Beer

Beste aktrise: Clementine Mosimane – Poppie Nongena

Beste mansbyspeler: Chris Gxalaba – Poppie Nongena

Beste vrouebyspeler: Nomsa Nene – Poppie Nongena

Beste produksie-ontwerp: Chantel Carter – Die verhaal van Racheltjie de Beer

Beste redigering: Eva du Preez – Poppie Nongena

Beste kinematograaf: Vicci Turpin – Poppie Nongena

Beste oorspronklike klankbaan: Kyle Shepherd – Fiela se kind

Beste grimering en haarstilering: Gale Shepherd – Poppie Nongena

Beste kostuumontwerp: Sylvia van Heerden – Poppie Nongena

Beste klankontwerp: James Olivier, Richard West, Simon Ratcliffe – Poppie Nongena

Beste ensemble-spel: Poppie Nongena

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae