Die buitelug-première van die fliek French Toast is Vrydag by die gelyknamige koffiekafee in Hartbeespoort gehou.
French Toast vertel die storie van ʼn fotograaf, Lise le Roux (Lika Berning), wat saam met haar pa op ʼn wynplaas naby Stellenbosch woon. Nadat Lise haar oorlede ma se dagboek opspoor, stel sy vas dat sy ʼn boetie of sussie het van wie sy nooit geweet het nie. Wanneer sy besluit om Frankryk toe te gaan op soek na dié familielid, ontmoet sy Jean-Pierre Baptiste (Thierry Ballarin). Hy stem in om haar te help om die persoon op te spoor, in ruil daarvoor dat sy die foto’s vir sy nuwe kookboek neem.
French Toast begin Vrydag 24 April op die grootskerm draai.