Die Kanadese akteur, Gil Bellows, gaan binnekort in Suid-Afrika kom kuier en skouers skuur met van ons beste plaaslike akteurs.
Bellows is binnekort in die nuwe plaaslike rolprent Leading Ladyte sien en het onlangs bevestig dat hy die première van die rolprent in Johannesburg gaan bywoon.
Hy is hoofsaaklik bekend vir sy rolle in The Shawshank Redemption en die televisiereeks Ally McBeal, maar hy was ook meer onlangs in die fliek Parkland (2013)te sien saam met onder andere Zac Efron en Billy Bob Thornton. Hy vertolk ook die hoofrol in The Calling (2014) teenoor Susan Sarandon.
In Leading Lady vertolk die Emmy-bekroonde Bellows die rol van Daniel Taylor teenoor nóg ʼn groot internasionale akteur, Katie McGrath en saam met ons eie Brümilda van Rensburg en Bok van Blerk.
Bellows het homself tot Twitter gewend om sy opgewondeheid te deel:
@AlishiavanDev @filmleadinglady can’t wait to come and be a part of it ! # bring it on !
— gil bellows (@realgilbellows) October 21, 2014
Maroela Media is met trots die mediavennoot van die skreeusnaakse rolprent, Leading Lady. Die fliek word landswyd op 28 November vrygestel, maar loer gerus solank na die lokprent: