Black and Blue ***
Met Naomi Harris en Mike Colter
Regisseur: Deon Taylor
Dit is ironies dat hierdie rolprent ook spog met ʼn vroue-protagonis, en sy is eweneens rateltaai. Maar ons gee om wat met haar gebeur. Al is sommige tonele oordoen en ontsnap sy net twee keer te veel van koeëls, is die storie meer relevant en lewer beter sosiale en politieke kommentaar as een los draadjie in die Terminator se robottoon.
Dit gaan oor ‘n swart polisievrou (vandaar die rolprent se titel) wat in ʼn afdeling van die New Orleanse polisie beland en besef: feitlik al haar kollegas is chauviniste in hul blou uniforms. Maar nog erger: sy krap korrupsie oop en besef dat dié manne maklik omgekoop word deur dwelmsmokkelaars.
Sy is nie veronderstel om daardie noodlottige dag op hierdie skof te wees nie. En wanneer sy die ooggetuie van ‘n teregstelling word, besef sy dat haar dae in die blou uniform, en haar pos as een van die enigste vroue in die departement, in sy peetjie is. Die vraag is: gaan sy dit oorleef?
Naomie Harris speel uitmuntend, en skop tjop-tjop stof in die macho-antagoniste se chauvinistiese oë. Wat egter werk in haar spel is haar menslikheid. Nie dat sy weerloos is nie – alles behalwe! Maar ‘n mens kry haar jammer omdat sy teen so ‘n oormag moet veg. En gaan sy lewendig anderkant uitkom?
Black and Blue is beter (en taaier!) as wat jy verwag. Jy kan liewer R80 hierop uitgee voordat die Terminators jou aan die slaap sus.
Die fliek wys tans by SterKinekor en NuMetro
Leon van Nierop resenseer weekliks rolprente soos hierdie een op sy Facebook-blad. Besoek ook sy blad vir resensies oor rolprente met lokprente en interessante feite
Klink na n lekker fliek !
Nee wat. Smaak verskil. Vandat James Bond nou getransformeer is na n swart vrou, kyk ek maar die wit akteurs solank hul nog met ons is. Al word hul as tweede rangs afgemaak en kry ook deesdae net die rolle van boewe.
LMGA