Leon van Nierop se resensie: Inside Bill’s Brain

Inside Bill’s Brain: Decoding Bill Gates    ****

Ons hoor net altyd in bewonderingstaal van hom, en met sy breëlê-kuif en bril is hy die toonbeeld van ʼn bleeksiel. Maar ʼn geniale bleeksiel wat sy biljoene aanwend om mense te help en van die wêreld ʼn beter plek te maak.

Hierdie gemaklike dokumentêr, wat nie op aandag staan en Gates salueer nie, probeer by die mens uitkom. Wil agterkom wat Gates laat tiek. En daarin slaag die dokkie nogal, alhoewel dit toewyding vereis. Met ander woorde, jy sal dit nie direk ná Chris Hemsworth se biseps-ballade kyk nie. Jy moet eintlik in die bui daarvoor wees.

Hierdie dokumentêr probeer verduidelik wie hierdie onpeilbare slim man werklik is. Maar niemand sal dit ooit kan verklaar nie. Hy is ʼn diep seun en jy raak nooit die bodem as kyker nie. Feit is: hy is geweldig puntenerig en het dikwels met sy ouers gebots toe hy nog op skool was, want niemand het hom verstaan nie. Hy het sy eie kop gevolg, en ons kry nou insae in sy brein-aktiwiteite. Maar kry ook respek vir die gewone mens wat muurbal speel en van honde hou en al jare lank met dieselfde vrou getroud is en homself hoegenaamd nie te ernstig opneem nie.

Hy is die nuwe Einstein, en die wêreld betreur dit eintlik dat daar nie nog meer sulke mense, veral in regerings is nie!

Bemoedigend, interessant, boeiend en openbarend. Dalk weet jy hierna bietjie meer van die genie wat probeer om die wêreld ten goede te verander, een dag en een goeie daad op ʼn slag. Op Netflix.

Leon van Nierop resenseer weekliks rolprente soos hierdie een op sy Facebook-blad. Besoek ook sy blad vir resensies oor rolprente met lokprente en interessante feite

Leon van Nierop

Meer oor die skrywer: Leon van Nierop

Leon van Nierop is ’n bekende radiopersoonlikheid, rolprentresensent, vryskutjoernalis, stemkunstenaar, skrywer van romans, radio- en TV-vervolgverhale soos Wolwedans in die skemer en Ballade vir ’n enkeling asook die draaiboeke van die rolprente geskoei op hierdie twee verhale. Hy was vier jaar lank hoof van die Rolprentakademie van die Tshwane-Universiteit van Tegnologie en tree dikwels as dosent en spreker oor rolprente op. Hy het 'n Akademie Erepenning ontvang vir sy boek oor die geskiedenis van die Afrikaanse rolprentbedryf, Daar doer in die fliek. Sy jongste boek Bloedsuier is op die rakke en hy skryf tans aan 'n nuwe roman. Sy vorige twee romans, Katelknaap (vertaal as Toy Boy) is in 2018 uitgegee. Hy skryf ook aan Maroela se radiodrama wat binnekort die lig sien, Briekaandraai,

Deel van: Flieks

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

1 Kommentaar

jongste oudste gewildste
Ian

Leon my ou bul, as jy dink jou resensie gaan ons siening oor hierdie man verander misgis jy jou deeglik met die algemene publiek se intellek. Gates se uitsprake en dade wys ‘n totaal ander pentjie. Om hom met Einstein te vergelyk is belaglik tot die mag tien.