Het jy al ooit gewonder hoe Reynardt Hugo van Binnelanders-faam die woord “sukses” definieer? Het jy geweet hy maak fop-oproepe na vreemdelinge vir die pret?
In die video-reeks “Sukses” met Bennie en Bouwer, voer die akteurs Bennie Fourie en Bouwer Bosch tong-in-die-kies-onderhoude met Afrikaanse bekendes om voorbrand te maak vir die aksie-komediefliek Vuil Wasgoed. Dié fliek het opslae gemaak tydens die 2014 Silwerskermfees en is daarna ontwikkel tot ʼn vollengte fliek. Dit word op 8 Desember in teaters landswyd vrygestel.
“Ons gesels met suksesvolle mense oor die sukses in hulle lewe en hoe hulle sukses bereik het,” skerts hulle op die video.
Die video-reeks is vervaardig in samewerking met Laeveld Agrochem.
Kyk hier na die eerste insetsel met Reynardt Hugo.