Die veteraan aktrise Rina Nienaber stel voor dat jy hierdie Kersfees seker maak jy pos jou geskenkpakkies betyds. “Sodat die poskantoor dit betyds kan verloor,” vertel sy.
“Die Kerspartytjies in die filmbedryf is ook wonderlik, want jy ontmoet elke jaar nuwe face lifts,” spot sy.
Rina is bekend vir haar televisierolle in Generations as Baba Swanepoel en sy is ook te sien as Koekie in die kykNET-reeks Getroud met rugby. Benewens haar televisierolle is Rina ook ʼn gesoute verhoog- en rolprentaktrise en staan ook haar skoene vol as regisseur, vervaardiger, teksskrywer en stemkunstenaar.
Verskeie Suid-Afrikaanse bekendes gaan jou tussen 1 en 24 Desember hier op Maroela Media ʼn geseënde Kersfees kom toewens, ter ondersteuning van die Teaterbystandsfonds. Hou ons dop!
Kliek gerus hier om die Teaterbystandsfonds te steun.