Watwou, 007 nou ʼn vrou

Lashana Lynch in Maart by die wêreldpremière van ‘Captain Marvel’ in Los Angeles, VSA. Sy sal die rol van 007 vertolk in die nuwe James Bond-fliek. (Foto: Jordan Strauss/Invision/AP)

Die gewilde 007-spioen van die James Bond-fliekfranchise sal eersdaags ʼn snyerspak verruil vir ʼn paar hoëhakskoene wanneer ʼn vrou dié gesogte rol oorneem.

Volgens berigte het vervaardigers van die 25ste Bond-fliek, wat in 2020 op die grootskerm sal verskyn, besluit dat Lashana Lynch die rol van 007 sal vertolk nadat James Bond, wat steeds deur Daniel Craig vertolk sal word, uit die Britse MI6-intelligensie-eenheid sal tree.

ʼn Bron het aan The Daily Mail gesê Lynch se verskyning in die nuwe fliek is ʼn “kardinale toneel” wanneer Bond uit sy aftrede in Jamaika ontbied en aan Lynch se karakter as die nuwe 007-agent voorgestel word.

“Fliekgangers sal hul springmielies laat val. Bond is steeds Bond, maar hy word deur ʼn vrou vervang as 007.”

Die bron is volgens die nuusinstansie iemand in die “binnekring van die rolprent” wat dié inligting bekendgemaak het. Die inligting is nog nie amptelik deur vervaardigers bevestig nie.

Lynch (31) is ʼn Britse aktrise en vertolk tans die rol van die vegvlieënier Maria Rambeau in die Marvel-fliek, Captain Marvel.

Craig het in 2006 sy debuut as Bond gemaak in die fliek Casino Royale, die 22ste fliek in die 57-jarige fliekfranchise.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

26 Kommentare

Johan Swart ·

Dit gaan faal…net soos al die ander Hollywood films wat se manlike akteurs in hoofrolle vervang is met vrouens…dink maar aan GhostBusters,Ocean’s 8 , Expendabelles,Mad Maxine Fury Road, etc…

Nel ·

En ek love Sean Connery – die enigste James Bond wat nog tot dusver reg aan die rol laat geskied het.

La-Naine ·

Dis nou regtig ‘n simpel idee. As jy nou regtig ‘n vroulike spioen wil inbring gee haar haar eie identiteit. Bond is en was nog altyd ‘n man. Hoekom nou aan daardie konsep peuter. En nee geslagsgelykheid en al daai dinge het niks met dit te doen. Bond is manlik en behoort so te bly!!

Vra maar net ·

Nou wat op dees aarde is di maatskappy nou van plan om te doen ????????? Hoe gaan hulle nou di rol van di manlike prent na ‘n vroumens toe laat verander,dis mos nou klomp bog ek gaan dan ni weer na die flieks kyk as di bog gaan wys ni ??? Wys jou net

Bond ruik lont ·

“the truth is that identity politics is the kryptonite that saps the joy out of all it touches. ”

Vra maar vir die Britse vervaardigers van die Dr Who reeks, wat dieselfde rampspoedige resep probeer het deur die onlangse Dr Who as n vrou uit te beeld. Die reeks was n totale flop en dekades-lange aanhangerbasis is van die franchise vervreem.

Bond was nog altyd n man. Absoluut geen rede om hom nou n vrou te maak nie.

Ek sal maar, soos met Disney se Star Wars, die nuwe Bond verby hou..

aj ·

Jami Blond! Wat is fout daarmee?
…ha..ha…
Maak dit ‘n KOMEDIE!

Helene ·

Dankie maar nee dankie! Sal nie weer ‘n Bond movie gaan kyk nie. Dit is belaglik!!

Boertjie ·

Nou wonder ek so by my se sigselwers. As ou James in elke fliek verskeie mooi dames aan sy sy gehad het, gaan die dame verskeie mans aan haar sy hê, of hoe gaan dit werk?

Jacques ·

Ag dan is ek ook nou sommer klaar gekyk aan Bond flieks. Hoekom moet politiek en ideologie aanmekaar deur Hollywood in flieks gedruk word.
En wat van die tradisionele Bond-meisies?
Terloops, ‘n ander ding wat my boos het vir Hollywood is die aanhoudende misbruik van die naam van die Here Jesus Christus as vloekwoord. Ek wil nie sulke flieks naby my huis of my kinders hê nie.

Elmer Swanepoel ·

Ek wil sien hoe sy met hoge hakke agter die boef aan hardloop!

Pierre Kilian ·

Ek het nounet ‘n kalender geraadpleeg en nee, dit is regtig nie vandag 1 April nie.

Kl ·

Gaan net so “goed” wees soos die all female ghost busters whaha

Ronel Nortje ·

Ag asseblief, hou verby. Hoekom moet vrouens altyd hulle neuse oral indruk? Dis absoluut belaglik!

Ben Niemand ·

Ek was nog baie oop vir die idee dat Idris Elba 007 sou vertolk het, maar hierdie ruk nou die dam onder die eend uit…

Oom Uncle ·

Nee wat hulle moes die rol vir Zumpie gegee het ” Agent Seventy and .. Listen Carefully.. 0 hundred million and sixisty ,,,,,eish he he…

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.