Hierdie tien artikels is in 2018 die meeste gelees op Maroela Media se vermaak-afdeling.
- Kate Middleton in die sop oor haar uitrusting
Kate Middleton, die hertogin van Cambridge, het in Februarie die media en sosiale media aan die praat gehad met haar keuse van uitrusting vir die 71ste Bafta-prysaand – dié keer as gevolg van die kleur van haar rok. Lees meer.
- Foto’s: Intieme troue vir oud-Bokkaptein
Adriaan Strauss, voormalige kaptein van die Bulle en Springbokke, en sy Carmen het in Oktober tydens ʼn klein en intieme geleentheid ewige trou beloof aan mekaar. Lees meer.
- Video: Steve, Demi Lee bekoor met ‘Amanda’
Steve Hofmeyr en Demi Lee Moore, wenner van VIA se werklikheidsprogram Die kontrak, het in November die musiekvideo vir die country-lied, “Amanda”, op hul onderskeie Facebook-bladsye gedeel. Lees meer.
- Video: ‘Superster’-sanger se groot plan vir sy groot vraag
Die Afrikaanse sanger en televisieaanbieder Anthonie Bougas van Supersterre-faam en sy vriendin, Launette, het na die Phi Phi-eilande in Thailand gereis sodat hy haar die groot vraag kon vra. Hy het voor die vakansie haar ouers toestemming om hul dogter se hand gevra. Lees meer.
- Foto’s: Toks en sy Carol haak af
Die oud-Springbokspeler en televisie-aanbieder Toks van der Linde en sy vriendin van die afgelope jaar, Carol Avenant, is in Maart getroud. Lees meer.
- Hykie Berg en sy vrou se paaie skei
Die akteur en motiveringspreker Hykie Berg het in Oktober op sy Facebook-blad aangekondig dat hy en sy vrou, Melissa, se paaie geskei het. Lees meer.
- ‘Ballade’ se Meisie verloor stryd teen kanker
Shareen Swart, die bekende Suid-Afrikaanse aktrise, skrywer en regisseur, het op 29 Oktober ná ʼn lang siekbed haar stryd teen kanker verloor. Lees meer.
- Gewilde Afrikaanse aktrise verloof
Simoné Nortmann, een van die Afrikaanse vermaakbedryf se gunsteling-aktrises, is nou amptelik buite bereik. Lees meer.
- Minki nié meer aanbieder van ‘Boer soek ʼn vrou’
Nadat Minki van der Westhuizen twee seisoene as aanbieder van kykNET se gewilde werklikheidsreeks Boer soek ʼn vrou die harte van kykers verower het, het dié skoonheid die leisels van die program oorgee. Lees meer.
1.Dís hoekom boer Johan en Marilyn se paadjies skei
Honderde aanhangers van die gewilde kykNET-werklikheidsreeks Boer soek ʼn vrou was vroeg in Januarie geskok toe boer Johan en Marilyn in die jongste episode van die tiende reeks aangekondig het dat hul paadjies geskei het. Lees meer.