Mej. SA: Wie gaan vanjaar die kroon dra?

Die finaliste. (Foto: Twitter/Miss SA)

Die lys van 12 finaliste wat gekies is om vanjaar mee te ding om die Mej. SA-kroon is Donderdag bekendgemaak.

Die kroning vind op 27 Mei by die Times Square Sun Arena in Pretoria plaas.

Hier is die 12 deelnemers:

Tamarin Bensch (25) is ʼn eiendomsbestuurder en binnenshuise opknapper.

Tamarin Bensch. (Foto: Miss SA)

Tharina Botes (21) van Roodepoort is ʼn eerstejaar- B.Com-student in bemarking en sake by Damelin. Sy is ook ʼn deeltydse model.

Tharina Botes. (Foto: Miss SA)

Margo Fargo (25), oorspronklik van Heidedal in die Vrystaat, het ʼn BSc-honneursgraad in verbruikerstudies en is die medestigter van ʼn niewinsgewende organisasie.

Margo Fargo. (Foto: Miss SA)

Bryoni Govender (21) van Kempton Park is ʼn derdejaar- LLB-student aan die Universiteit van Johannesburg.

Bryoni Govender. (Foto: Miss SA)

Tamaryn Green (23) is ʼn sesdejaar- mediese student.

Tamaryn Green. (Foto: Miss SA)

Daniellé de Jager (20), oorspronklik van Benoni, is ʼn tweedejaarstudent in biokinetika aan die Nelson Mandela Metropolitaanse Universiteit.

Daniellé de Jager. (Foto: Miss SA)

Thulisa Keyi (26), oorspronklik van Oos-Londen, woon nou in Fourways en doen tans haar klerkskap by KPMG nadat sy aan die Universiteit van Kaapstad gegradueer het.

Thulisa Keyi. (Foto: Miss SA)

Akile Khoza (23) is besig met haar meestersgraad in neurowetenskappe.

Akile Khoza. (Foto: Miss SA)

Thandokazi Mfundisi (23) van Oos-Londen is ʼn finalejaar- LLB-student aan die Fort Hare- Universiteit.

Thandokazi Mfundisi. (Foto: Miss SA)

Noxolo Ndebele (24) is van Pinetown en het ʼn B.Com-graad in rekeningkunde.

Noxolo Ndebele. (Foto: Miss SA)

Karishma Ramdev (23) is van Westville en is ʼn mediese student.

Karishma Ramdev. (Foto: Miss SA)

Anzelle von Staden (24) van Centurion het ʼn B.Com-graad aan die Universiteit van Pretoria verwerf en is tans ʼn heeltydse model.

Anzelle von Staden. (Foto: Miss SA)