Die gesogte Grammy-toekennings, wat die room van die musiekbedryf vereer, is Sondag (internasionale tyd) by die Staples-sentrum in Los Angeles uitgedeel.
Die Britse sangeres Adele het tydens vanjaar se 59ste Grammy-toekennings behoorlik skoonskip gemaak nadat sy met vyf beeldjies huis toe is. Sy het onder meer die toekennings vir beste album van die jaar, liedjie van die jaar, samewerking van die jaar, beste popalbum en beste pop-optrede ontvang. Die sangeres het altesaam 18 Grammys verower.
Die oë was egter ook op Beyoncé wat met nege benoemings die mees benoemde kunstenaar vir die aand was. Die sangeres het egter net twee Grammys gewen, vir beste kontemporêre album en beste musiekvideo. Sy het in haar loopbaan al 22 Grammys gewen.
Hulde is ook aan die oorlede sanger David Bowie gebring wat vier toekennings gewen het. Bowie het onder meer toekennings gekry vir beste rock-optrede, rock-liedjie, alternatiewe album en beste ateljee-opname.
Beste algehele album van die jaar
25, Adele
Beste liedjie van die jaar
“Hello”, Adele
Beste samewerking van die jaar
“Hello”, Adele en Greg Kurstin
Beste musiekvideo van die jaar
“Formation”, Beyoncé
Beste nuwe kunstenaar
Chance the Rapper
Beste popalbum
25, Adele
Beste tradisionele popalbum
Summertime: Willie Nelson Sings Gershwin, Willie Nelson
Beste pop-solovertoning
“Hello”, Adele
Beste popgroep-optrede
“Stressed Out”, Twenty One Pilots
Beste country-album
A Sailor’s Guide to Earth, Sturgill Simpson
Beste country-solo-optrede
“My Church”, Maren Morris
Beste country-optrede deur ʼn groep
“Jolene” [met Dolly Parton], Pentatonix
Beste countryliedjie
“Humble and Kind”, Lori McKenna, liriekskrywer (Tim McGraw)
Beste rock-album
Tell Me I’m Pretty, Cage the Elephant
Beste rock-liedjie
“Blackstar”, David Bowie
Beste rock-optrede
“Blackstar”, David Bowie
Beste alternatiewe album
“Blackstar”, David Bowie
Beste “metal”-album
Dystopia, Megadeth
Beste kontemporêre album
Lemonade, Beyoncé
Beste kletsrym-album
Coloring Book, Chance the Rapper
Beste kletsrym-liedjie
“Hotline Bling”, Aubrey Graham & Paul Jefferies, liriekskrywers (Drake)
Beste R&B-album
Lalah Hathaway Live, Lalah Hathaway
Beste R&B-liedjie
“Lake By the Ocean”, Hod David & Musze, liriekskrywers (Maxwell)
Best gospel-optrede/liedjie
“God Provides”, Tamela Mann; Kirk Franklin, liriekskrywer
Beste gospel-album
Losing My Religion, Kirk Franklin
Besoek die Grammy-webwerf vir ʼn volledige lys wenners.
Ek is so bly Adel het gewen sy is by verre baie beter as beyonce