Afrikaanse sanger finalis vir sexyste man; in nuwe TV-reeks te sien

Brendan Peyper (Foto: Facebook)

Die Afrikaanse sanger Brendan Peyper gaan binnekort die mikrofoon tydelik opsy skuif om teen 11 ander plaaslike mans mee te ding om as die sexyste man in Suid-Afrika gekroon te word.

Dié sanger is einde verlede jaar as een van die 12 finaliste in die tydskrif Cosmopolitan se jaarlikse kompetisie aangewys.

Dié kroon, wat vantevore al deur onder andere Bobby van Jaarsveld gedra is, sal binnekort aan die wenner oorhandig word.

“Al hierdie dinge het skielik oor my pad gekom – dis ʼn baie opwindende tyd vir my en ek gryp elke geleentheid met ope arms aan,” het Brendan vertel. “Ek is innig dankbaar vir elke nuwe deur wat oopgaan, elke stem, elke bietjie aanmoediging, elke paar voete by ʼn konsert en elke album wat ek met iemand kan deel!”

Die 21-jarige sanger het intussen ook bekend gemaak dat hy een van die deelnemers is aan die jongste seisoensreeks van Tropika Island of Treasure.

Sewe bekendes, wat onder andere Melinda Bam, Karabo Mogane en Tumi Voster insluit, gaan op die Maldive-eilandgroep meeding om uiteindelik R1 miljoen te ontvang.

Tropika Island of Treasure bestaan uit ʼn stel moeilike uitdagings wat deelnemers se ratsheid, handvaardigheid, koördinasie, uithouvermoë en intelligensie tot die uiterste beproef. Dié reeks word vanaf 5 Februarie op SABC 3 gebeeldsaai.

Die sanger se jongste album, Hy loop oop, en nuwe enkelsnit, “Jou mond is in die pad”, is ook onlangs uitgereik.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

Een kommentaar

Het jy iets op die hart? Maroela Media se kommentaarfunksie is ongelukkig gesluit oor die Paasnaweek. Kom kuier gerus later weer!

Nuuswenke kan deur hierdie vorm gestuur word.