Wicus van der Merwe
Die bekroonde musikale komediant en gewilde TV-aanbieder Wicus van der Merwe trakteer sy bewonderaars met ‘n dubbel-album met al sy treffers daarop! Plus opwindende verrassings!
“Alles gebeur nou te vinnig! Hier staan ons nou al by die vyfde cd en waar is die tyd heen!? So baie het al in die afgelope jare gebeur vandat ek die eerste keer op ‘n mal mens se gedagte agter ‘n mikrofoon ingeskuif het dat ek dit nou nog nie kan glo nie! Ek het vreeslik baie om voor dankbaar te wees, veral as jy in gedagte hou dat ek die mees skeptieste van almal was aan die begin oor of die storie gaan werk. Ek het hordes nuwe vriende gemaak wat my lewe op soveel maniere verbeter en ryker gemaak het! Ek het soveel plekke gesien wat ek nooit sou gesien het nie of nie eers sou geweet het van hulle bestaan nie!” sê Wicus oor sy trefferalbum Al my hiets!
Dié dubbelabum bevat 34 treffers met daarby ingesluit vyf splinternuwe, opwindende snitte: Sê net vir my, Da King , My perd, my brak en ek, Opskop, die kenwysie van Wicus se TV-program op kykNET, en ‘n satiriese kykie na die Afrikaanse musiekbedryf in 2011 op die snit Waatlemoen. Dié snitte is verwerk en opgeneem deur Sean Butler met aanvullende programmering deur Tertius Jacobs. Juan “Floors” Oosthuizen tokkel die kitare op die nuwe snitte. (Select Musiek)
Speellys
CD 1
- Sê Net Vir My
- Spietkop Medley (Boeremieks): Spietkop and Liefling
- Hie’ Komme Ding
- Opskop
- Vat Hom Pappie
- Waatlemoen
- My Renê
- WP Jou Lekka Ding
- Da King
- Annatjie My 4×4
- Ek Hoop
- My Perd, My Brak En Ek
- Krisjan
- Weskus Krismis
- Clanwilliam
- Mis Jou
- I Can’t Stop Loving You (Met Tommy Dell)
CD 2
- Die Boesmanland Se Hanetjie Keurspel: Die Hanetjie and Boesmanland
- Hartbeespoortdam
- Hooit!
- Jy Kan My Druk
- Ek En Jy
- Bokke Is Die Beste
- Ek Kô Huistoe
- Boude
- Rebecca
- Bokkie Sê My Reg
- Groenblare
- Skattiebokkieliefieding
- Liela’tjie
- Kettie En Klip
- Maak Los Die Honde
- Stryder In Die Stofpad
- Liggies