Die Ghoema-musiektoekennings is Sondag tydens ʼn glansgeleentheid by Emperors Palace in Kempton Park uitgedeel.
Dié toekennings, wat vanjaar vir die sesde keer uitgedeel word, vereer die beste Suid-Afrikaanse musiektalent vir hul jongste werk.
Vanjaar het die Afrikaanse sanger Refentse behoorlik koning gekraai nadat hy met niks minder nie as vier toekennings huis toe is.
Franja du Plessis, Joshua na die Reën en Snotkop het ook elk twee beeldjies gekry.
Die Ghoemas het vanjaar ʼn effense gedaanteverwisseling ondergaan. Drie kategorieë is vanjaar bygevoeg om ʼn breër diversiteit kunstenaars die geleentheid te gee om benoem te word: Die publiek se gunsteling-manskunstenaar, die publiek se gunsteling-vrouekunstenaar en die publiek se gunstelinggroep.
Die wenners in die kategorieë is aangewys deur middel van ʼn stemproses waaraan die publiek deelneem.
Hou Maroela Media dop vir ʼn video oor die vrolikheid by dié geleentheid.
Album van die jaar
My hart bly in ’n taal – Refentse
Manlike kunstenaar van die jaar
Refentse
Vroulike kunstenaar van die jaar
Franja du Plessis
Groep van die jaar
Adam
Beste nuweling van die jaar
My verhaal – Franja du Plessis
Digitale album van die jaar
My hart bly in ’n taal – Refentse
Digitale liedjie van die jaar
Cool soos Koos Kombuis – Snotkop
Luitoon van die jaar
“Blou” – Laurika Rauch & Loki Rothman
Gewildste liedjie van die jaar
Cool soos Koos Kombuis – Snotkop
Beste liedjie van die jaar
Die wêreld binne my – Joshua na die Reën
Beste Afrikaanse hip-hop liedjie van die jaar
Bene lam – Early B
Beste pop‐album deur ’n manlike kunstenaar
Sal jy met my dans? – Kurt Darren
Beste pop‐album deur ’n vroulike kunstenaar
As jy weet dis liefde – Charlize Berg
Beste kontemporêre-album deur ’n manlike kunstenaar
Die wêreld binne my – Joshua na die Reën
Beste kontemporêre-album deur ’n vroulike kunstenaar
Die reis – Laurika Rauch
Beste album deur ’n duo of groep
Hoogtevrees – Adam
Beste geestelike album
Dans – Duis:lig
Beste kinder‐album of -dvd
Jonkman en Baartman sing nuwe lawwe liedjies – Jonkman en Baartman
Beste alternatiewe album
Die aandblom 13 – Arno Carstens
Beste ligte klassieke Afrikaanse album
Kosmos – Con grazia
Beste country‐album
Ongelooflik – Jennifer Zamudio
Beste musiekvideo
Vir liefde – Jay en Lianie May
Beste liedjieskrywer
Johan Vorster
Beste vervaardiger
Jaconell Mouton & Coenie de Villiers
Ere-toekenning: baanbreker
Taliep Petersen
Ere-toekenning: beste verkoper
My hart bly in ’n taal – Refentse
Publiek se gunsteling manlike kunstenaar
Juan Boucher
Publiek se gunsteling vroulike kunstenaar
Jennifer Zamudio
Publiek se gunsteling duo of groep
Twee
My gunsteling en beste sanger van alle tye Joshua na die Reën.
Het jy al vir Refentse gehoor? Hy verdien elke toekenning wat hy kry.
Ek dink hy sing Mosier en better as baie van die huidige en omlangse blanket singers. As hy sing, dan kan jy elke woord hooray. Hy sing, en hy skree nie soos die Meester Ander wat dink hulle kan sing nie.
Wat is ‘n blanket singer?
Stem saam…….baie sodanige Afrikaanse sangers kan van hom leer. Een van die bestes wat Suid Afrika nog opgelewer het en dit in ‘n baie kort tyd. En die beste van als is hy ry nie op ander mense se rue nie. Love sy musiek!!!!!!!
ek is so bly Jennifer Zamudio het 2 toekennings gewen. sy verdien dit al lankal – baie talentvol – BAIE GELUK!
Mis Andriette Norman hier.!!