Katy Perry, Orlando Bloom verwelkom eersteling

Katy Perry en Orlando Bloom. (Foto: Instagram/Katy Perry)

Die Amerikaanse popsangeres Katy Perry en die akteur Orlando Bloom se eersteling is gebore. Die paartjie se nuwe babadogtertjie heet Daisy Dove Bloom.

Perry en Bloom het Donderdag ʼn skattige swart-wit foto van ʼn babahandjie saam met ʼn verklaring deur Unicef, die VN se agentskap vir ontwikkelingshulp vir kinders, op Instagram gedeel. Die paartjie is albei ambassadeurs van Unicef.

“Ons sweef van liefde en verwondering ná die veilige en gesonde aankoms van ons dogter,” lui die inskrywing.

“Maar ons weet ons is die gelukkiges, en dat nie almal ʼn geboorteproses so vreedsaam soos ons s’n beleef nie. Gemeenskappe reg oor die wêreld ervaar ʼn tekort aan gesondheidswerkers en elke 11 sekondes sterf ʼn swanger vrou of pasgebore kind, en meestal kan dit voorkom word.

“Sedert die aanvang van Covid-19 is soveel meer pasgebore lewens in gevaar oor ʼn groter tekort aan water, seep, inentings en medisyne wat siektes kan voorkom. As ouers van ʼn pasgebore kind breek dit ons harte en het ons nou meer empatie met sukkelende ouers as ooit.”

Die paartjie, wat verlede jaar op Valentynsdag verloof geraak het, het ʼn donasiebladsy gestig om Daisy se geboortedag te vier en alle geld word geoormerk om pasgebore babas en hulle ma’s finansieel te ondersteun.

“Ons hoop julle harte kan blom met vrygewigheid,” het hulle bygevoeg. Perry het in Maart haar swangerskap in haar musiekvideo “Never Worn White” aangekondig.

Dit is die 35-jarige Perry se eerste kind. Bloom (43) het reeds ʼn negejarige seun, Flynn, saam met die supermodel Miranda Kerr met wie hy getroud was tot en met 2013. Perry was voorheen vir 14 maande getroud met die komediant Russell Brand.

View this post on Instagram

Posted @withregram • @unicef Welcome to the world, Daisy Dove Bloom! We are honoured to introduce Goodwill Ambassadors @KatyPerry and @OrlandoBloom’s new bundle of joy.⠀ ⠀ “We are floating with love and wonder from the safe and healthy arrival of our daughter,” Katy and Orlando told us.⠀ ⠀ “But we know we’re the lucky ones and not everyone can have a birthing experience as peaceful as ours was. Communities around the world are still experiencing a shortage of healthcare workers and every eleven seconds a pregnant woman or newborn dies, mostly from preventable causes. Since COVID-19 many more newborn lives are at risk because of the increased lack of access to water, soap, vaccines and medicines that prevent diseases. As parents to a newborn, this breaks our hearts, as we empathize with struggling parents now more than ever.⠀ ⠀ “As UNICEF Goodwill Ambassadors, we know UNICEF is there, on the ground, doing whatever it takes to make sure every expecting mother has access to a trained health worker and access to quality healthcare. In celebration of the heart we know our daughter already has, we have set up a donation page to celebrate DDB’s arrival. By supporting them, you are supporting a safe start to life and reimagining a healthier world for every child. We hope your ♥️ can bloom with generosity.⠀ ⠀ Gratefully-⠀ ⠀ Katy & Orlando.”⠀ ⠀ Please tap the link in our bio to support the most precious gift: a healthy child.

A post shared by KATY PERRY (@katyperry) on

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae