Annie Curtin en Christel Meyer van Cap43 Entertainment het dit reggekry om van die land se vroue met die mooiste stemme en harte saam om een verhoog te kry vir ‘n vertoonkas van Suid-Afrika se besonderse musiektalent, maar ook om sodoende geld in te samel vir liefdadigheid.
Hierdie vertonings word nog meer besonders gemaak deur die orkes wat uit vroulike musikante bestaan wat die vrouestemme op die verhoog begelei.
Hulle het in Maroela Media se ateljee kom kuier en met Esté Meyer Jansen gesels oor die Ladies Night Out-konserte wat binnekort ʼn gereelde instelling in teaters gaan word, asook die doel wat hulle ondersteun.
- Die volgende Ladies Night Out konserte sal in Augustus en November plaasvind. Besoek gerus cap43e.co.za of Facebook vir meer inligting.