In vandeesweek se Top-20 is daar nege snitte wat styg, agt wat daal, twee wat hul posisies behou en een nuweling.
Adam en Vaughan Gardiner sak uit en maak plek vir Suzanne, wie se jongste treffer, “Belofte”, in die 20ste plek toetree. Carla Oberholzer neem die eerste plek oor met “Jy los my alleen”; Cordelia sak terug na die tweede plek met “Breek die stilte”, maar haar nuwe treffer, “Eerste woorde” styg vyf plekke tot by die vyfde plek.
Elvis Blue sorg vir ‘n groot verrassing. Sy huidige treffer, “Môre kan maar kom”, het gelyk of dit besig was om uit te sak, maar dit styg sewe plekke, terwyl Anton Myburgh se “Biker Angel” sewe plekke daal.
- “Jy los my alleen” – Carla Oberholzer
- “Breek die stilte” – Cordelia
- “Wat weet ek tog?” – Martin Bester
- “Sarie Marais” – Len Muller en Stef Bos
- “Eerste woorde” – Cordelia
- “Alle paaie lei na Rome” – Jannie en Corlea
- “Langpad” – DZL
- “Bittersoet van liefde” – Andriëtte
- “Meer as niks” – Leah
- “Geboorteland” – Manne wat Glo
- “Môre kan maar kom” – Elvis Blue
- “Wat maak ʼn boer?” – Carla Oberholzer
- “Hoofletters” – Sorina
- “Pêrel vir ʼn kroon” – Andriëtte
- “Biker Angel” – Anton Myburgh
- “Tot oneindig einde kry” – Andriëtte en André Venter
- “Middernagserenade” – Bobby van Jaarsveld
- “Mal in jou kop” – Cordelia
- “Alles net oor jou” – Amor Vittone
- “Belofte” – Suzanne
Kyk hier onder na die musiekvideo vir “Belofte”.