Daar is vandeesweek tien snitte wat styg, vier wat daal, vier wat hul plekke behou en twee nuwelinge. Sorina en Anton Goosen val uit en vandeesweek se nuwelinge het iets gemeen, naamlik Vaughan Gardiner.
Hy het Amor Vittone se treffer, “Te laat vir tot siens”, wat in die 20ste plek toetree, geskryf, terwyl sy eie treffer, “Bou aan liefde”, in die 18de plek sy verskyning maak. Daar is ’n nuwe nr. 1-treffer; Kurt Darren stel ’n nuwe rekord op, naamlik vir die meeste plekke wat ’n nr. 1-treffer tot dusver geval het. Hy is in die vierde plek, en Jak de Priester neem die eerste plek oor met “Sporelied”, wat geskryf is ter herdenking van die 85ste bestaansjaar van die Voortrekkers. Bobby van Jaarsveld daal vyf plekke met “Middernagserenade”, terwyl “Modder en bloed” van Bok van Blerk drie plekke styg.
- “Sporelied” – Jak de Priester
- “Eerste woorde” – Cordelia
- “Dis hier en nou” – Jacqueline
- “Ek wens vir jou” – Kurt Darren
- “Vir altyd” – Joshua Na Die Reën
- “Skipper” – Neil Somers
- “Al wat ek weet” – Elvis Blue
- “Modder en bloed” – Bok van Blerk
- “Wees my held” – Sharoney
- “Tot oneindig einde kry” – Andriëtte en André Venter
- “Gebed vir ons land” – Belinda Brönner en Vriende
- “Die perfekte een vir my” – Brendan Peyper
- “Middernagserenade” – Bobby van Jaarsveld
- “GI Jane” – Lemé
- “Wat maak ʼn boer?” – Carla Oberholzer
- “Laaste lied” – Corlea
- “Jonk en mooi” – Heidi
- “Bou aan liefde” – Vaughan Gardiner
- “Sarie Marais” – Len Muller en Stef Bos
- “Te laat vir tot siens” – Amor Vittone
Luister Vaughan Gardiner se liedjie “Bou aan liefde”.
https://youtu.be/dbHBrLJwPfQ