In vandeesweek se Top 20 is daar tien snitte wat styg, sewe wat daal, twee wat hul posisies behou en een nuweling. Elke snit wat Leah tot dusver op die Top 20 gehad het, het die eerste plek gehaal, en met “Meer as niks” maak sy weer só; sy styg twee plekke om die eerste plek te bereik.
Jannie en Corlea daal na die derde plek terwyl Cordelia haar posisie behou, maar steeds die kans het om binnekort nr. 1 te haal. Jennifer Zamudio is vandeesweek in groot moeilikheid; “Sê dit harder” sak uit en haar ander treffer, “Hart en siel”, saam met Rudi Claase, sak terug.
Vandeesweek se nuweling is Amor Vittone se eerste album in ses jaar, “Alles net oor jou”. Met hierdie snit maak Carla Oberholzer, wat in die sewende plek met haar eie treffer, “Jy los my alleen”, is, haar debuut op die Top 20 as liedjieskrywer vir ‘n ander kunstenaar. Sy is ook een van vyf kunstenaars wat elk vier plekke styg. Brendan Peyper daal ses plekke met “Tafelberg vir twee”.
- “Meer as niks”- Leah
- “Breek die stilte”- Cordelia
- “Alle paaie lei na Rome”- Jannie en Corlea
- “Biker angel”- Anton Myburgh
- “Pêrel vir ʼn kroon”- Andriëtte
- “Wat nou?”- Adam en Vaughan Gardiner
- “Jy los my alleen”- Carla Oberholzer
- “Sarie Marais”- Len Muller en Stef Bos
- “Mal in jou kop”- Cordelia
- “Ek onthou”- Anders
- “Tafelberg vir twee”- Brendan Peyper
- “Wat weet ek tog?”- Martin Bester
- “Langpad”- DZL
- “Duidelik soos daglig”- Anaïs
- “Geboorteland”- Manne wat Glo
- “Gee my jou hart”- Tiro
- “Hart en siel”- Jennifer Zamudio en Rudi Claase
- “Môre kan maar kom”- Elvis Blue
- “Die man vir jou”- André Venter
- “Alles net oor jou”- Amor Vittone