Die susters Nianell en Riana Nel het in 2010 die ballade “Ek is vrou” uitgereik. Dié twee kunstenaars, wat intussen van die land se grootstes geword het, het die liedjie afgestof vir Vrouedag vanjaar.
“Ek is vrou” het oorspronklik in die Nianell-album, Sand en water, verskyn en is uit Nianell se eie pen.
Volgens Nianell is dit vir haar ʼn eer om op Vrouedag vir elke vrou ʼn boodskap van hoop te gee.
“Onthou, die krag lê in jou. Jy het die keuse om te fokus op alles wat mooi is in jou lewe. Ek vertrou dat jy in hierdie oomblik sal sien hoe beeldskoon, spesiaal en geliefd jy is.
“Ek hoop jy sal hierdie oomblik gebruik om jou eie beker self vol te maak, om vir jouself om te gee en lief te hê. Om vir jouself alles te gee wat jy nou nodig het. Ek hoop jy gaan onthou wie jy is en waarvan jy deel is sodat jy nooit weer alleen hoef te voel nie.”
Luister hier na die liedjie.
Teleurstellend, Nianell moes tenminste ‘n nuwe lied geskryf het!
Ek is mal oor die Nel susters, op my top lys van beste vroue kunstenaars in ons land