Prinshofskool vir gesiggestremdes bied op 1 Augustus 2013 ‘n soiree aan by die Musaion, Universiteit Pretoria.
U kan uitsien na ‘n heerlike aand van koorsang, soliste en instrumentale items deur die blinde en swaksiende leerders en oud-leerders van die skool. Dit beloof om ‘n onvergeetlike ervaring te wees.
Prinshof is ‘n multi-kulturele, dubbelmediumskool (Afrikaans en Engels) wat in Pretoria geleë is. Die skool het in 1963 sy ontstaan gehad en het tans meer as 350 leerders van graad R tot graad 12.
Kaartjies kos R30 en die vertoning begin om 18:30 vir 19:00.
Skakel die skool by 012 328 4170 vir verdere inligting.
Kaartjies sal ook by die deure beskikbaar wees.
