Ricus en Liza se bulletjie maak sy opwagting

Ricus Nel en Liza Brönner saam met hul pasgebore seuntjie, Dawid. (Foto: Facebook/Liza Brönner)

Ricus Nel en Liza Brönner saam met hul pasgebore seuntjie, Dawid. (Foto: Facebook/Liza Brönner)

Die gewilde Afrikaanse musiek-egpaar, die sanger en liedjieskrywer Ricus Nel en sy vrou, die sangeres Liza Brönner, het Donderdag ʼn seuntjie ryker geword.

Klein Dawid is op 22 November gebore. Brönner het dié nuus saam met ʼn skattige foto van hulle as gesin op Facebook gedeel. “Donderdag die 22ste het my hele lewe verander,” het sy oor hulle eersteling geskryf.

“Ek kan nie glo dat mens soveel liefde kan voel nie. Dawid, my seun, jy het ʼn liefde binne my wakker gemaak wat ek nie eers geweet bestaan nie!”

Sy het ook Nel se lof besing. “Jou pappa is die heel beste man op aarde! Hy was so sterk vir my. My gebed vir jou, my seun, is dat jy ʼn man na God se hart sal wees, en dat jy in God se perfekte wil vir jou lewe sal loop! Mamma het jou liewer as wat woorde ooit sal kan beskryf!”

Sy het in Mei vanjaar haar swangerskap op Facebook aangekondig. “Ek en Ricus dank die Here ons God vir die perfekte lewetjie waarmee Hy ons seën en toevertrou!” het sy destyds laat hoor.

Die egpaar is op 26 Januarie 2013 getroud.

Ricus Nel en Liza Brönner (Foto: Facebook)

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

5 Kommentare

Susan ·

Baie geluk julle twee. Dit is die heel beste ding wat oor n mens se pad kan kom. Die geboorte van jou kinders en kleinkinders. Dis n liefde onbeskryflik groot

Hannelie ·

Baie geluk julle twee. Ek weet hy gaan virseker in sy ouers se musikale voetspore stap.

Hallelujah ·

Baie gleuk julle. Dawid is ‘n pragtige seuntjie. Julle gaan soveel geluk saam met he. Soveel liefde om te gee. Baie geluk

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.