Sama-nominasies: Karen Zoid en Francois van Coke gee die pas aan

Karen Zoid en Francois van Coke. Foto: Facebook

Karen Zoid en Francois van Coke. Foto: Facebook

Die nominasies vir vanjaar se Sama-toekennings (South African Music Awards) is vandag bekendgemaak.

Francois van Coke is genomineer vir beste manlike kunstenaar van die jaar terwyl sy gelyknamige album vir beste album van die jaar genomineer is. Hy is ook saam met Karen Zoid en die groep Saarkie genomineer vir beste rockalbum.

Zoid is intussen ook genomineer vir beste vroulike kunstenaar van die jaar. Die album “Republiek van Zoid Afrika Vol. 2” van Zoid se gelyknamige televisieprogram is intussen ook genomineer vir beste volwasse kontemporêre album.

Karlien van Jaarsveld, Brendan Peyper, Vaughan Gardiner, Pierre Rossouw en Suzanne sal sake uitspook in die kategorie beste popalbum. Peyper se album “Stop, wag, bly nog ʼn bietjie” is ook genomineer vir beste verwerkte album.

Elvis Blue, Andriette, Neil Somers, Bok van Blerk en Stiaan Reynierse is almal genomineer in die kategorie beste kontemporêre musiekalbum. Die Heuwels Fantasties is genomineer vir beste alternatiewe musiekalbum.

Wouter Kellerman is weer genomineer vir beste klassieke of instrumentele album.

Die Sama-toekennings vind op 4 Junie plaas.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

Een kommentaar

Het jy iets op die hart? Maroela Media se kommentaarfunksie is ongelukkig gesluit oor die Paasnaweek. Kom kuier gerus later weer!

Nuuswenke kan deur hierdie vorm gestuur word.