Steve se Kaboemfees

Verskaf aan Maroela Media

Verskaf aan Maroela Media

Na ’n herrie losgebars het ’n paar jaar gelede oor Steve wat by Innibos-fees sy vertoning geëindig het met “Die Stem”, het hy besluit om op eie stoom sy eie fees te aan te bied. Dit kom na die reaksie dat verskeie borge by feeste sou onttrek indien Steve daar sou optree. Verskeie radiostasies het ook op die wa gespring en van Steve se liedjies van hulle speellyste verwyder. Feeste het ook in strepe vertonings van Steve gekanselleer om borge te behou. Volgens Steve is hy geregtig om “Die Stem” te sing en verteenwoordig dit slegs die Afrikaner op ’n kulturele grondslag, alhoewel media en organisasies uit verskeie oorde Steve oor die kole gehaal het dat die sing van “Die Stem” die ou Suid-Afrika verteenwoordig.

Steve se Kaboemfees is egter ’n kulturele fees waarop geen organisasie of beweging sal inslag hê nie. Die fees sal hoofsaaklik klem lê op kultuur, waar Afrikaanse en Boerekultuur interaktief en kreatief aangebied sal word. Tradisionele kos, Afrikaanse en Boeremusiek, Volkspele en Boeredanse, vakmanskap en boerdery, asook handwerk en kunswerk sal die groot fokus wees.

Die FAK is genader om tradisionele FAK-liedjies se woorde aan die publiek in strooibiljetvorm aan te bied sodat daar ’n lekker massa saamsingfees saam die kunstenaars gehou kan word. Die kunstenaars sal hoofsaaklik FAK-liedjies sing.

Die Voortrekkers se betrokkenheid word ook beplan, aangesien die 85ste bestaansjaar van Die Voortrekkers gevier word vanjaar. Hulle sal dan hoofsaaklik die boeresportspeletjies behartig.

Die eerste Kaboemfees word op 26 en 27 Augustus 2016 aangebied te Modimolle, Nylstroom. Die finale kunstenaarslys sal binnekort bekend gemaak word. Kaartjies is bekombaar by Itickets.co.za

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

29 Kommentare

jongste oudste gewildste
charmaine

Goed so Steve! druk die borge n pit. Hulle is ook net uit om hulle sakke vol te stop. Waar n wil is,is n weg. En ek is seker daar gaan duisende mense op ruk.

Ria

So ken ons vir Steve, “YOU GO”, STEVE!!!!!

Carel

Puik Steve!!!!!!
En onthou om vir al die borge die video te stuur waar jy die Stem sing. En gee vir ons ‘n lys van die name van daardie borge wat jou geboikot het – ons sal graag wil weet wie om NIE te ondersteun nie. Hoog tyd dat ons die mag van die beursie begin gebruik.

Joann

Steve jou doring. Ons sal lewe ons sal sterwe ons vir jou Suid Afrika

nevs

Steve jou yster!