Zak van Nierkerk
Zak van Niekerk het geen bekendstelling nodig nie. Zak is die man wat van Lekkerkry; Byt My, Tommy Dippenaar en vele ander treffers volksbesit gemaak het. Hierdie grapjas sorg dat elke partytjie in ‘n behoorlike opskop ontaard en laat jou lag dat die trane loop as hy eers sy stories met smaak begin vertel. Zak is terug met ‘n splinternuwe CD, Stywe Lyne, vol visvang treffers geskryf deur nuwe jong skryf talent in Suid Afrika, asook ou gunstelinge van Buddy Vaughn. Die CD sluit nuwe treffers in soos Ek gaan haar mis; Stywe Lyne; Brandewynbaai en vele ander. Zak het self ook ‘n snit, Rooivleis, geskryf.
Liedjieskrywer wat bygedra het tot die nuutste produk van Zak van Niekerk se Stywe Lyne is: Andre M; Leon Gropp enTony Ridgway. Jasper van Rensburg Snr en Jnr was die manne agter die skerms wat al die verwerkings en programmering hanteer het en Zak en Johan Scott die uitvoerende regisseurs. Zak se 1ste CD, Lekkerkry sowel as sy DVD, Zak maak Twak het platinum status bereik, met Byt My, Oe Na Na, Ramkat en Gatskop in die Baai ver oor die goue status kerf en ook sterk oppad na platinum status.
Stywe Lyne is beslis een van Zak se lekkerste luister CD’s nog en gaan lekker hard langs die viswaters kuiervuurtjie gespeel word! Soos Zak sê: “Vat vas” en speel hierdie een ekstra hard, sodat die bure ook kan saam luister! (Leo Musiek)
Speellys
- Ek gaan haar mis
- Voert voert meneer
- Stywe Lyne
- Hartbeespoortdam
- Brei die Bulletjie
- Dan kom hy weer
- Haai Tiekie
- Ek baklei vir my spot
- Rooivleis
- Brandewynbaai
- Fanie hoekom is jou lyn so styf
- Rooiwyn & Vislyn
- Langs die Rietvleidam
- Polisieman
- Hoor wat sê die seeman