Vaughan Gardiner. Foto: Verskaf
Met trefferliedjies soos “Gooi jou arms om my”, “Vir Jou” en “Hoe wys ‘n man sy hart”, het Vaughan Gardiner homself reeds as gevestigde musikant, liedjieskrywer, sanger, akteur en vervaardiger bewys.
Vaughan se tweede enkelsnit, Sit vanaand op herhaal, van sy splinternuwe album met dieselfde titel, is pas uitgereik. Die liedjie pryk al vir meer as agttien weke bo-aan trefferparades van verskeie radiostatsies.
Die liedjie Sit vanaand op herhaal vertel die storie van daardie een perfekte aand wat ‘n mens eenmaal in ‘n leeftyd beleef. Met sy voetejeukritme wat perfek is vir die dansbaan, vertel die enkelsnit van ‘n aand waar ‘n man sy hart verloor op ‘n meisie wat skielik elke liefdeslied se woorde laat sin maak en al wat hy wens is dat hierdie aand, wat soos ‘n fliek verloop het, net herhaal moet word.
