David Thibault (17) ʼn Franssprekende jong man van Saint Raymond, Quebec, verstom Elvis-aanhangers met sy weergawe van “Blue Christmas”.
Dié jong seun het in 2013 bekendheid verwerf toe ʼn plaaslike radiostasie ʼn video van sy optrede op Youtube gelaai het. David het ook aan die Franse weergawe van “The Voice” deelgeneem en daar die finaal gehaal. Hy het ook laasjaar ʼn draai op The Ellen Degeneres Show gemaak.
David sê sy liefde vir Elvis het by sy oupa begin en hoewel hy presies soos die “koning” klink, kan hy meer as net Elvis liedjies sing.