Die CD Die Grootste Afrikaanse Liedjie van Alle Tye is vandeesweek bekendgestel.
Die album, wat vervaardig is deur Universal Music, bevat 27 van die liedjies wat die publiek aangewys het as hul gunstelinge in Maroela Media se veldtog om die grootste Afrikaanse liedjies van alle tye te bepaal.
Daar is ook ʼn splinternuwe verwerking van Koos du Plessis se immergroen treffer, “Kinders van die wind”, wat aangewys is as die wenliedjie tydens die veldtog. Maroela Media het tydens die bekendstelling wat by GrootFM gehou is, gesels met ʼn paar van die musikante wie se stemme te hoor is op dié nuwe weergawe. Maroela Media se uitvoerende hoof, Susan Lombaard, gesels ook oor die sukses van die veldtog.