Riana Nel en Pierre Greef in die musiekvideo vir ‘Doen net wat ons wil’. Foto: Skermskoot uit video.
Die Heuwels Fantasties het gister ʼn splinternuwe musiekvideo bekendgestel vir hul liedjie Doen net wat ons wil, wat saam met Riana Nel opgeneem is.
Volgens Pierre Greef, die hoofsanger van die groep, gaan die liedjie oor ʼn dialoog tussen ʼn man en vrou. “Ek glo die boodskap is wanneer mense nie saamstem oor sekere dinge nie, is dit beter om dit net te laat gaan, want as jy die volgende dag daaroor dink, besef jy jy het oor iets baklei wat nie regtig so baie saak maak nie.”
Doen net wat ons wil is beskikbaar op die Heuwels Fantasties se de luxe-uitgawe van die album, Ja.Nee.Lekker.
