Video: Juan Boucher en sy Shamodene sê ja

Juan Boucher en Shamodene op hulle troudag in Maart vanjaar. (Foto: Kreativ)

In sy trefferlied “In die Bosveld” saam met sy sangersvriend Neil Somers, sing die rasperstemsanger Juan Boucher oor sy liefde vir die Bosveld.

Dit is dus geen verrassing dat hy en sy vrou, Shamodene, gekies het om hulle bruilof op 24 Maart vanjaar in die Bosveld op Modimolle (Nylstroom) te vier nie.

Juan het op hul troudag die liedjie “Trou” vir Shamodene gesing. Dié liedjie verskyn net soos “In die Bosveld” op sy jongste album Gewigloos.

Die musiekvideo vir “Trou” is pas bekendgestel en is as’t ware ʼn terugblik op Juan en Shamodene se groot dag. Die video is geskiet en vervaardig deur Quintin Jansen van Rensburg (ook bekend as Q-Man) van Quin Media.

Die paartjie het by die Kuthaba Bush Lodge trou aan mekaar beloof. Toe hulle gevra is wat hulle beloftes aan mekaar was op hulle spesiale dag, het Juan geantwoord: “Vandag trou ek met jou vir altyd, jy is my fondasie en waarna my hart strewe.”

Shamodene het op haar beurt gesê: “My man, ek sal jou vir altyd lief hê en jy bestaan in my net soos jy bestaan in my toekoms.”

Gewigloos is op alle digitale platforms beskikbaar.

Kyk hier na die musiekvideo vir “Trou”:

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Het jy iets op die hart? Maroela Media se kommentaarfunksie is ongelukkig gesluit oor die Paasnaweek. Kom kuier gerus later weer!

Nuuswenke kan deur hierdie vorm gestuur word.