[Video] Kanadese koor sing in Afrikaans

'n Skermskoot uit die video

‘n Skermskoot uit die video

Wanneer musiek ter sprake is, verdwyn alle grense en word taal en kultuur blote bykomstighede. ʼn Video van die Vancouver-jeugkoor in Kanada wat die geestelike liedjie “Wildsbok” tydens ʼn optrede sing, roer behoorlik die hartsnare.

Dié jeugkoor, wat gestig is deur Dick en Diane Loomer, bestaan uit lede tussen die ouderdomme van 15 en 24 en hulle onderneem gereeld toere.

Die koor tree op onder leiding van die artistieke direkteur, Carrie Tennant, en die liedjie is verwerk deur Renette Bouwer.

Tennant sê die doel van die Vancouver-jeugkoor is veel meer as om kinders en jong mense die geleentheid te gee om te sing. “Benewens die musiekvaardighede wat jong mense aanleer is dit ons oogmerk om hulle ook te leer oor die waarde van terugploeg in die gemeenskap,” het sy gesê.

Die koor het op 5 April saam met die Universiteit van Pretoria se jeugkoor opgetree.

Besoek die koor se webwerf of sluit aan by hul YouTube-kanaal.

[fvplayer src=”https://youtu.be/8U_dAjsrteU”]

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

9 Kommentare

B ·

Hoekom is dit opmerklik? Weet jy wat die demografie is in Kanada? As die hele wêreld maar net so was.

Mariana Benson ·

Absoluut fantsties. Nou sommer hoendervleis van die pragtige sang met onse mooie Afrikaanse taal. Dankie vir die deel. Hulle kan met reg trots voel en baie dankie dat hulle dit so mooi in onse Afrikaanse taal opgevoer het.

Gerhard ·

Knop in die keel! Daar word ver hiervandaan in die verworpenes se taal gesing.

Theo Grobler ·

Afrikaans het siel, toe ek hierna geluister het het ek net weereens besef hoe kosbaar Afrikaans vir my is. Afrikaans roep daar buite.

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.