[Video] SA sanger en komediant kap dit uit in Pta-winkelsentrum

‘n Skermskoot uit die video

Die Afrikaanse sanger Robbie Wessels het reeds sy “danstalent” gewys met sy dikwels skreeusnaakse en passievolle danspassies in musiekvideo’s soos “Macarena Mambo” en “Leeuloop”.

Nadat die komediant Nico Swartz egter onlangs opslae gemaak het met sý danstoertjies wat hy op die maat van Wessels se musiek uitvoer, het dié sanger Swartz tot ʼn kompetisie uitgedaag nét om te wys dat hy steeds koning kraai.

Dié uitdaging het waarskynlik gevolg nadat talle video’s van Swartz die rondte gedoen het waar hy die klere in kantoorgeboue laat waai en op die maat van Wessels se musiek dans om die “moraal te lig”.

Die sanger en komediant het onlangs weer die klere laat waai vir onderskeidelik ʼn noupassende swembroekie en ʼn knap oefenuitrusting om mekaar die stryd aan te sê in ʼn “danskompetisie” wat in die Menlyn Park-winkelsentrum plaasgevind het.

“Robbie, jy het kompetisie,” het Kobus Groenewald op Facebook geskryf. “Nico, ek dink jy het hier gewen. Julle laat my lag en terselfdertyd kry ek ʼn knop in my keel en verlang huis toe hier in Nieu-Seeland. Net ons mense het soveel gees.”

“Welgedaan, Robbie en Nico – julle albei is kampioene. Robbie want hy is Robbie, en hy het tyd afgestaan vir een van sy ‘fans’. Nico – jy vir jou ‘guts’. Julle albei het my sommer baie trots gemaak,” het Shantel Jenkins laat hoor.

Die video is meer as 19 000 keer gedeel en is sowat 360 000 keer gekyk.

Robbie Wessels en Nico Swartz Dance-off

Ek het vir Nico Swartz uitgedaag vir 'n "Dance-off" in Menlyn Park Shopping Centre. Wie dink julle het gewen? #RobbieNicoDanceOff (Kyk die video in HD om hom die meeste te geniet.)Kry die album hier: https://INHOUDHUIS.lnk.to/RWWoestynFa

Posted by Robbie Wessels on Monday, October 30, 2017

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

11 Kommentare

jongste oudste gewildste
bonnie

dankie julle vir die lekker vermaak wat julle maak. het dit reg baie geniet. eks is trots afrikaans.

AnnA

Robbie het dalk dié ronde verloor, maar Poena bly koning!

Gerhardt O

Lekker man! Nou kry tog vir Heinz Winckler om ook sy boude te ontspan.

Susan

Ek looooovvvvveeee dit! Robbie jy het n mini me ?

Estelle Claassens

Ag nee-wat Nico……ń gemaakte man na-aap werk nooit! ????