Die Universiteit van Stellenbosch (US) se koor het die afgelope paar dae opslae gemaak met sy weergawe van die trefferliedjie “Jerusalema” en ʼn uitvoering van “Never enough” uit die rolprent The Greatest Showman.
“Jerusalema” se video het reeds byna 85 000 kykbeurte op YouTube gekry, terwyl “Never enough” net meer as 40 000 keer gekyk is. Die video’s, wat op 11 Oktober bekendgestel is, het ook op ander sosialemediaplatforms soos ʼn veldbrand versprei.
Albei liedjies is deel van ʼn nuwe repertoire wat spesiaal vir die US Woordfees verfilm is. Dié fees is vanjaar op Suid-Afrika se eerste opwip-TV-kanaal uitgesaai en die uitvoering is by die Oude Libertas Amfiteater in Stellenbosch opgeneem.
Maroela Media het vroeër berig dat die Suid-Afrikaanse kunstenaar Master KG ʼn wêreldwye dansery aan die gang gesit het met “Jerusalema”. Die oorspronklike musiekvideo is reeds meer as 450 miljoen keer op YouTube gekyk.
Kyk hier na die musiekvideo’s:
Dankie, het werkkik geniet.
Regtig mooi!!!
Puik soos gewoonlik onder André se meesterlike leiding!