Só lyk 2018 se Aardklop-wenners

My Seuns het talle toekennings gewen

Die Aardklop-toekennings, wat die beste skrywer en akteurs by dié jaar se Aardklop Nasionale Kunstefees vereer, is Vrydagaand by ‘n toekenningsfunksie by Mooi Galery in Potchefstroom uitgedeel.

Die paneel, Mareli Stolp (sameroeper), AJ Opperman, Lebona Sello, Alby Michaels, Antoinette Olivier en Ricardo Arendse het gesê dié jaar se Aardklop het hulle oë wyer oopgemaak vir teater.

“Goeie teater verander ons. Dit maak ons oë wyer oop, dit laat ons meer hoor, dit laat ons dieper voel. Ná hierdie Aardklop-week, van grootse teater en selfs groter diepte voel ons verander, verbeter, verryk. Geluk aan al die kunsmakers, teatermakers en vermakers!” het Stolp gesê.

Hier is die wenners:

Aardklop 2018 Beste Aktrise: Nadia Valvekens (Huishou)

Aardklop 2018 Beste Akteur: Albert Pretorius (Bloed en Bodem)

Aardklop 2018 Beste Regisseur: Christo Davids (My Seuns)

Aardklop 2018 Beste Algehele Aanbieding: My Seuns

ATKV – Aardklop Toekenning vir Grensverskuiwende Werk (slegs debuutwerke): Christo Davids (teks: My Seuns)

Aardklop 2018 Beste Byspeler: Donovan Pietersen (My Seuns)

Aardklop 2018 – Beste Nuutgeskrewe Afrikaanse Teks: Christo Davids (My Seuns)

Aardklop 2018 – Beste Musiekgedrewe Produksie: Krog

Aardklop 2018: Hartsvriende Beste Produksie: My Seuns

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Het jy iets op die hart? Maroela Media se kommentaarfunksie is ongelukkig gesluit oor die Paasnaweek. Kom kuier gerus later weer!

Nuuswenke kan deur hierdie vorm gestuur word.