Die jaarlikse Fiësta-toekennings het Donderdag by die Montecasino Teatro plaasgevind.
Die wenners van dié gesogte beeldjie het met Maroela Media gesels oor wat dié toekenning vir hulle beteken.
Paul du Toit, wat met die toekenning vir beste akteur vir sy spel in die stuk Melk & Vleis huis toe gegaan het, het gesê hy het op verlede jaar se Aardklop Nasionale Kunstefees vir die eerste keer in sy loopbaan van 25 jaar ʼn toekenning vir beste akteur ontvang. “Die Fiësta-toekenning is die kersie op die koek. Dit beteken vir my só baie.”
Simon Bruinders, Petru Wessels, Carel Trichardt en Trix Pienaar het elkeen ʼn prys ontvang vir lewenslange bydrae tot teater.
“Dit is ʼn baie besonderse voorreg. Ons is mos maar verslaaf aan ʼn applous en dit is een van die grootste toejuigings wat ek in my lewe gekry het,” het Bruinders gesê.
Kyk hier na die volledige lys wenners.