Bekendes het Donderdag by die Kunstekaapteater in Kaapstad op die blou tapyt geskitter voor die room van die kunstegemeenskap hul kykNET Fiësta-toekennings tydens ʼn regstreekse uitsending op kykNET in ontvangs geneem het.
Johrné van Huyssteen was die gasheer van dié geleentheid, terwyl talle ander bekendes soos onder meer Tarryn Wyngaard, Irshaad Ally, Denise Newman, Christia Visser en Albert Pretorius van die toekennings oorhandig het.
Kunstenaars soos Arno Carstens, Corlea Botha en Thembeka Mguni het die gehoor gaande gehad.
Produksies wat vanjaar veral uitgestaan het, is onder meer Rooivalk. Die Nelspruit-kunstefees, Innibos, is vanjaar ook weer as gewildste fees gekroon.
Acáma Fick het tydens die geleentheid ʼn toekenning in ontvangs geneem vir haar lewensbydrae tot musiek. Die musikus is met ʼn staande applous toegejuig vir haar bydrae tot die Stellenbosse koor en dit wat sy in die algemeen vir koormusiek in Suid-Afrika beteken het.
Alvon Collison het ook ʼn toekenning ontvang vir sy Lewensbydrae tot musikale teater. Hy is al meer as 50 jaar in die bedryf.
Ton Vosloo, nie-uitvoerende voorsitter van Naspers, het die toekenning Lewensbydrae as kunste-filantroop in ontvangs geneem.
Die KKNK het vanjaar die Blou stoel-toekenning vir die Uitkampteater-inisiatief gewen.
Hiermee die volledige lys van toekennings:
Beste opkomende kunstenaar
Faith Kinniar – Valencia – KKNK
Beste teaterontwerp
Francois Toerien & Kosie Smit – Heidi – KKNK
Beste vroulike byspeler
Nicole Holm – In Ongenade – Woordfees
Beste manlike byspeler
Dawid Minnaar – Die Huis van Bernarda Alba – KKNK
Beste prestasie in ‘n solo-vertonining
Richard September – Rooivalk – Woordfees
Beste musiekgedrewe produksie (arena)
Charl du Plessis – Big Band Boogie Woogie – KKNK
Beste musiekgedrewe produksie (podium)
Hunkering na die ses – Suidoosterfees
Beste musiekgedrewe produksie (teater)
Heidi – KKNK
Beste prestasie in klassieke musiek
Corelli & Co. – Stefan Temmigh & Erik Dippenaar – Woordfees
Beste prestasie in visuele kuns
Alex Hamilton – Kurator van visuele kunsprogram – Woordfees
Beste nuutgeskepte Afrikaanse produksie
Nico Scheepers – Rooivalk – Woordfees
Beste regie
Marthinus Basson – Die Gangsters – Woordfees
Beste aktrise
Ilse Klink – Kristalvlakte – Suidoosterfees
Beste akteur
Stefan Erasmus – As – Woordfees
Gewildste fees
Innibos
Beste aanbieding
Rooivalk – Woordfees
Dit is wonderlik om al die mooi mense te sien op die foto’s. Wil Maroela nie maar probeer om name by te kry nie. Dit gaan net soveel mooier wees.
Anton swak smaak in klere ,hoe nou my maat ?waar is jou pyp